SHBA, TikTok para fikjes

Dhoma e Përfaqësuesëve ka miratuar Ligjin i cili mund ta ndaloj rrjetin social TikTok në Shtetet e Bashkuara.

Nuk dihet ende se cili do të jetë fati i këtij ligji në Senat, por është i domosdoshëm që të konfirmohet në Senat, në mënyrë që të hyjë në fuqi.

Për ndalimin e TikTok votuan 352 kongresmenë dhe 65 ishin kundër; Prej tyre, 15 ishin republikanë dhe 50 demokratë, një demokrat abstenoi.

Deri te miratimi i këtij ligji në Dhomën e Përfaqësuesve që kontrollohet nga republikanët erdhi përkundër kundërshtimit që sinjalizoi Ish-Presidenti Donald Trump. Ish-Presidenti tha se TikTok është kërcënim për sigurinë kombëtare amerikane, por ndalimi i këtij aplikacioni do të godaste fëmijët dhe do forconte rrjetin social Facebook të cilin kandidati për presidenti i republikanëve e ka kritikuar ashpër.

Në këtë mënyrë, TikTok me ligj do të ndalohej në tregun amerikan të aplikimeve përveç se në rastin e ndarjes së platformës të cilën e përdorin rrreth 170 milionë amerikanë, nga kompania kineze mëmë, ByteDance.