Shembet galeria e minierës së qymyrit në Serbi, 8 të vdekur dhe 18 të plagosur

Bilanci i shembjes së një galerie të minierës së qymyrit “Soko” në Soko Banjë të Serbisë përfundimisht është 8 të vdekur dhe 18 të plagosur. Kjo u bë e ditur pas përfundimit të operacionit të kërkim-shpëtimit ku pas shpërthimit të fuqishëm të orës 5:00 të mëngjesit të sotëm mbetën të ngujuar edhe 14 minatorë të tjerë.

Me përfundimin e operacionit të kërkim-shpëtimit, inspektori i minierave dhe prokurori vazhduan me këqyrjen e vendit të ngjarjes për të vazhduar me hetimet.

“Ky është një çast i rëndë për të gjithë njerëzit që janë këtu, por edhe për të gjithë ne. Inspektorët, policia dhe të gjitha organet kompetente janë në vendin e ngjarjes dhe po punojnë në mënyrë që pas hetimit të kuptojmë se çfarë ka ndodhur dhe cilat ishin shkaqet e tragjedisë,” tha ministrja e Minierave dhe Energjetikës, Zorana Mihajlloviç. 

Ndryshe, rreth orës 05:00 të mëngjesit, në minierën e qymyrit “Soko” u dëgjua një shpërthim i fuqishëm me ç’rast u shemb një pjesë e galerisë. Në momentin e shpërthimit, zyrtarisht u konfirmua se në galeri ishin 40 minatorë