Shërbimi sekret gjerman: Për pushtimin e Kievit, Putin është i gatshëm ta shkatërroj gjithë qytetin

Ekspertët e shërbimit sekret gjerman, BND, dhe Bundeswehrit çdo ditë po analizojnë lëvizjen e trupave ruse dhe rezistencën e forcave të aramtosura ukrainase. Parashikimet e shërbimit sekret gjerman mbi rrjedhën e mëtejshme të luftës nuk janë aq optimiste, raporton ARD.

Sipas ekspertëve të sigurisë, Moska mendon të marrë kontrollin mbi pjesën lindore të Ukrainës sa më shpejtë që është e mundur ndërsa ka plane në vijimësi për pushtimin e Kievit. Pjesa më e përgjakshme e luftës ndoshta është përpara. Ushtria e Putinit nuk ka përdorur ende disa nga sistemet e armatimit që ka, e disa njësite që janë të gatshme në kufi, nuk janë shfrytëzuar, thekson BND.

Njerëzit përreth Putinit vazhdojnë të jenë luajal

Për momentin nuk ka dëshmi që agresioni rus mbi Ukrainën mund ta cenoj fuqinë dhe ndikimin e Putinit. Por, është e kundërta: Njerëzit përreth tij vazhdojnë ti qëndrojnë besnik presidentit, thekson BND ndërsa parashikimet rreth shëndetit të Putinit, sipas shërbimit sekret gjerman, nuk ndihmojnë dhe nuk ka dëshmi konkrete rreth sëmundjes.

Mirëpo, ka dëshmi se presidenti rus në muajt e fundit gjithnjë e më shumë po tërhiqet, thotë se ka lexuar kryesisht shkrime historike dhe ideologjike ndërsa ka shkruar edhe traktate personale. Gati nuk është marrë fare me çështjet e brendshme dhe ato të ekonomisë politike.

Sipas qarqeve sekrete gjermane, pas një javë lufte, humbjet ruse janë shumë më të mëdha se sa ato zyrtare që flasin për 500 të vdekur dhe 1.600 të plagosur. Në mesin e ushtrisë ruse, nervozizmi është i madh, janë bërë gabime logjistike, e furnizimi me ushqim, karburant dhe armatim ka ngecur. Sipas shërbimit sekret gjerman, raportet mbi personelin ushtarak të braktisur dhe të zhgënjyer, janë të sakta.

Putin me qëllim ka dërguar ushtarë pa përvojë?

Në valën e parë të sulmit ishin dërguar ushtarë pa përvojë, të rinjë që në shumicën e rasteve ishin në shërbim ushtarak. Kjo, sipas të gjitha gjasave ishte e qëllimshme, vlerësojnë ekspertët gjermanë të sigurisë. 

Strategjia mund të jetë dhe viktimizimi i këtyre njësiteve në mënyrë që në fillim të angazhohet dhe lodhet ushtria ukrainase në mënyë që të renditen më pas njësite të reja, të pajisura më mirë dhe shumë më mirë të aftësuara, për shembull për vendosjen e unazave pushtuese rreth qyteteve, dhe në fund sipas BND, pritet të pushtohet edhe kryeqyteti, Kievi.

Kur do të ndodhi pushtimi i Kievit është e paqartë. Kjo mund të filloj me rrethimin ushtarak të qytetit dhe pushtimin me pasoja katastrofike për popullsinë si dhe kolapsin me furnizim të ujit të pijshëm, ushqimit dhe energjisë elektrike.

Me këtë skenar, ushtria ruse mund të krijoj më pas një korridor humanitar, së bashku me ofertën që civilët mund ta braktisin të sigurt qytetin.

Në rastin më të keq, njerëzit e mbetur trupat ruse do ti trajtonin si ushtarë të armikut dhe do të luftonin me ta në këtë cilësi.

Ngjashëm si me luftën e parë në Çeçeni nga mesi i viteve ’90, ku kryeqyteti Grozni u shkatërrua i tëri.

Shefi i BND në ditën e parë të sulmit rus ishte në Kiev

Kur ishin të qarta shenjat mbi fillimin e luftës, kreu i BND, Bruno Kahl, udhëtoi javën e kaluar në kryeqytetin ukrainas, Kiev. Në prag të Konferencës së Sigurisë në München, kolegët e tij ukrainas e lutën që të mos e anuloj këtë vizitë të planifikuar. 

Por, vajtja e shefit të BND doli shumë më e komplikuar se sa ishte planifikuar. Kahl fluturoi drejt Kievit me një delegacion të vogël, më 23 Shkurt. Avioni menjëherë fluturoi drejt një shteti fqinj sepse nuk donin të rrezikonin, që avioni të shkatërrohet nga një sulm raketor ose të bie në duart e forcave ruse.

Dhe, sulmi rus ndodhi në orët e para të së enjtes së 24 shkurtit. Kahl u nis mbrapsht në Gjermani por kjo nuk ishte e mundshme më me avion. Autokolona me disa mjete të shëbimit sekret gjerman u nis drejt Polonisë, udhëtim ky që rezolutoi i vështirë dhe i gjatë, pasi rruga u përmbyt me qytetarë të shumtë të Ukrainës që filluan ta braktisin vendin.

Shefi i BND, Bruno Kahl, arriti të kthehet në Berlin vetëm pas një dite, më 25 Shkurt!