Shfaqet Kolegji i Tregtarëve të Komisionerëve, kërkon Lulzim Edvin Bashën për kryetar të PD
Kryetarët e degëve të Lulzim Bashës që i qëndruan besnik Kryetarit në misionin e tij për shkatërrimin e Partisë Demokratike, i njohur si Kolegji i Kryetarëve, u shfaqën papritmas jo për ti kërkuar falje demokratëve pse nuk kishin kandidatë në 61 bashki në zgjedhjet e 14 Majit, jo pse i shitën postet e komisionerëve Partisë Socialiste dhe u mohuan demokratëve të Sali Berishës një garë të ndershme, jo pse shkaktuan humbje në të paktën 6 bashki duke luftuar kandidatët e Primareve, por duke marrë përsipër gjithë këtë turp si rezultat i veprimit të tyre AntiPD, siç u tha me vetmohim, dhe, duke kërkuar hapjen e garës për kryetar të PD të Edi Ramës brenda datës 15 Korrik!
Dhe jo vetëm kaq!
Ky grupim antidemokratik i pozicionuar në krah të Lulzim Edvin Bashës që nga dita e parë e dorëheqjes së rreme, sot si fraksion i katërt i këtij llumi opozitar pas atij të Kryetarit Nënkryetar, Gazment Bardhit dhe Lulzim Bashës, ende pa e përfunduar Deklaratën, duke mashtruar dhe nga mënyra se si mashtron, zbulohet se është grupim që del nga mitra e Lulzim Bashës, kopil ky politik i dal nga mitra e Edvin Ramës, që u fut në radhët e Partisë Demokratike për ta shkatërruar me themel!
Ky Kolegji i Kryetarëve, që sot lirshëm mund të quhet Kolegji i Tregtarëve të Komisionerëve të 14 Majit, në panik e sipër nga Platforma e Grupit Parlamentar të Gazment Bardhit se mos po bashkohet me Sali Berishën dhe po e lënë Lulzim Edvin Bashën pa fronin e Kryetarit të PD me vulë dhe mbështetje të Kryeministrit, nxitoi ti thotë opinionit se ai grusht i demokratëve të irrituar me Sali Berishën e duan një kryetar se s’bënë deri më 15 Korrik!
Duke zënë vend në të gjitha ekranet e teleizioneve të kontrolluara nga Edi Rama, ky shqetësim i Kolegjit të Tregtarëve të Komisionerëve të 14 Majit, fillimisht u ngatërrua me gjithë mashtrimet e Lulzim Edvin Bashës në këtë Deklaratë: dorëheqjen e kryetarit më qëllim për t’i hapur rrugë bashkimit, gjë që nuk ndodhi; kërkesën për organizimin e zgjedhjeve të përbashkëta të cilat u refuzuan; kërkesën për përzgjedhjen e kandidatëve në zgjedhjet e 14 majit që u refuzua dhe u vazhdua me procese të njëanshme; propozimin për daljen me një kandidat të përbashkët për zgjedhjet vendore të 14 majit duke pranuar kandidatët e primareve!
Kryetari që njehë ky Kolegj i Tregtarëve të Komisionerëve të 14 Majit dha dorëheqje para ekraneve televizive por ai nuk e dorëzua në strukturat e partisë, dhe për pasojë ai nuk është dorëzuar as në Gjykatë, e cila edhe sot e njeh për Kryetar të PD, Lulzim Edvin Bashën!
Pas zgjedhjeve të pjesshme lokale të 6 Marsit, ku ky Kolegj ndonëse u mburrë me kandidatët e tyre pësoi humbje të thellë, doli me disa propozimeve të përçudnuara, duke mos i besuar procesit të Primareve dhe duke propozuar sondazhet si mjet më efikas i cili do të jepte një rezultat real nëse përfillet në masën 50%!
As ky Kolegj dhe ata që sot i kundërshtojnë dhe janë strehuar në Grupin Parlamentar të PD, kurrë nuk kanë kërkuar “daljen me një kandidat të përbashkët për zgjedhjet vendore të 14 majit duke pranuar kandidatët e primareve”, dhe, kjo është arsyeja pse e katandisen Partinë Demokratike në gjendjen që është sot. Duke përjashtuar bashkitë pa kompromis sepse kishin kandidatët e tyre, që ishin pjesë e këtij propozimi, Kolegji e shet veten si engjëll ndonëse janë pjesë e politikanëve të shantazhuar nga Edi Rama ose në shërbim të tyre, ndërsa harrojnë se nuk po flasin për periudhën e Bizantit, por, për veprimet politike AntiPD që u zhvilluan gjatë vitit të fundit!
Pse gjithë ky panik?!
Frika nga Platforma e Grupit parlamentar të PD që synon bashkimin e demokratëve tregon se Lulzim Edvin Basha nuk u bë dot politikanë! Dhe, nga ana tjetër, Platforma është një idiotizëm pare exellence, sa vetëm ata që ishin ose janë bashkëpunëtorë politikë të Lulzim Edvin Bashës, mund ta hartojnë një idiotizëm të këtij lloji!
Pasi shkatërruan Partinë Demokratike, pasi denigruan gjithë mbështetësit që u rreshtuan në krah të Sali Berishës dhe vetë liderin historik duke e përjashtuar nga partia, pasi bënë koalicion edhe me Tomë Doshin Non Grata për ti shkaktuar humbje Partisë Demokratike në Shkodër, pasi pësuan humbje të turpshme në në të gjitha atto zona ku i shpallën bashki të sigurta, ata duan bashkimin me demokratët që i pështynë dhe i rrahën në ballkonin e selisë, e për të gjithë ata që i shpëtuan këtij ballkoni thirrën policinë e Edi Ramës; Dhe, kur të bashkohen, ta zgjedhin Kryetarin me këta të përndjekur dhe me Statutin ku për shkak të Sali Berishës e sanksoniuan edhe “non gratën nga SHBA” si masë që nuk lejon kandidimin për Kryetar dhe garanton këtë fron për analfabetin politik Lulzim Edvin Basha!
Për një njeri që nuk i takon asnjërit prej këtyre grupimeve politike por që ka parë videon e takimit sekret të Lulzim Edvin Bashës me Taulant Ballën edhe mund ta kuptojë gjithë ngatërresën në procesin e shkatërrimit të Partisë Demokratike!
Por, ata që ishin dhe janë demokratë, e kuptojnë se ky llum politik e bëri Partinë Demokratike siç janë vetë, dhe pavarësisht se kush do jetë Kryetar, nuk do ti shërbejë më as Edi Ramës!
Kunatit, jo se jo, pavarësisht fushatës që i urdhëroi Zelenskyyt të tij me rininë demokratike, sepse me këtë prezencë po mundohet ta rris vetëm seriozitetin e angazhimeve që ka marrë rreth “Durrës Yachts & Marina”, dhe të arsyetoj paratë e Mohamed Alabbarit.
Qëndrimi i Grupit Parlamentar të Partisë Demoratike të vulës
Duke analizuar me përgjegjësi maksimale rezultatin e zgjedhjeve të 14 Majit dhe pasojave që ka sjell ky rezultat për të ardhmen e Shqipërisë dhe interesin publik;
Duke qenë të ndërgjegjshëm për atë që qytetarët shqiptarë dhe anëtarët e Partisë Demokratike në veçanti presin nga përfaqësuesit e tyre dhe nga Partia Demokratike;
Duke qenë përpara një qeverisje që ka minuar zgjedhjet e lira dhe të ndershme, përmes metodave të kundërligjshme, që mund të arrihen të kapërcehen vetëm përmes angazhimit të shumicës së heshtur të shqiptarëve që kanë humbur besimin tek politika;
Duke vijuar në të njëjtën linjë konstruktiviteti, që ka në themel vetëm interesin më të mirë të Partisë Demokratike dhe të Shqipërisë, siç është vepruar edhe me qëndrimet e Grupit Parlamentar të datave 22 Mars 2023, 16 Prill 2022, 31 Tetor 2022 apo 6 mars 2023;
Duke qëndruar të palëkundur në bindjen se partneriteti strategjik me Shtetet e Bashkuara të Amerikës, Britaninë e Madhe dhe vendet e Bashkimit Europian, është e vetmja rrugë për forcimin e Partisë Demokratike;
Duke ripërsëritur apelin se lufta e brendshme në Partinë Demokratike dobëson opozitën dhe se situata kërkon që secili të tejkalojë interesin e vet ngushtësisht personal, për të ofruar dhe gjetur zgjidhje në interes të përbashkët të të gjithë opozitarëve dhe çdo qytetari të ndershëm që pret dhe kërkon ndryshimin në vend;
GRUPI PARLAMENTAR I PARTISË DEMOKRATIKE, SHPREH QËNDRIMIN SI MË POSHTË:
1. Ndasitë në mendime dhe qëndrime për çështje të ndryshme brenda Partisë Demokratike nuk duhet të shfokusojnë partinë nga misioni i saj për t’u bërë alternativë qeverisëse. Në këtë kuadër, është emergjente ndërprerja e menjëhershme e çdo sulmi, shpifje apo gjuhe urrejtje ndaj çdo anëtari të partisë apo cilido që mendon ndryshe.
2. Riorganizimi i Partisë Demokratike të Shqipërisë, me synim bashkimin e demokratëve, forcimin e partisë dhe ndërtimin e një partie moderne, gjithëpërfshirëse dhe që krijon besimin tek shumica e qytetarëve shqiptarë, duke angazhuar dhe afruar individë me reputacion dhe që i shërbejnë mbrojtjes së interesit publik.
3. Krijimin e një grupi pune përbashkues për ndjekjen dhe realizimin e procesit të riorganizimit, sipas një plani të qartë, transparent dhe gjithëpërfshirës, që ndjek këto hapa:
– Hapi i parë: Hapja e partisë dhe certifikimi i anëtarësisë aktuale;
– Hapi i dytë: Fillimi i procesit të zgjedhjeve në nivel seksioni, grupseksioni dhe dege;
– Hapi i tretë : Procesi i zgjedhjes së kryetarit të Partisë.
4. Grupi i Punës që bën edhe drejtimin politik ngre grupe pune në nivel qarku për nisjen e një fushate ndërgjegjësuese në bazë me qëllim bashkimin mes demokratëve, si dhe fuqizimin dhe organizimin e partisë pa asnjë paragjykim dhe duke shmangur çdo rrethanë apo faktor ndarës.
5. Grupi Parlamentar i Partisë Demokratike nuk mbështet asnjë proces organizimi të nxituar, të njëanshëm, që nxit përçarjen dhe thellon ndasitë brenda Partisë Demokratike. Procesi duhet të synojë vetëm forcimin dhe eliminimin e debateve destruktive brenda partisë. Për këtë qëllim, duhet të tentohet ndihma, mbështetja dhe konsultimi me Partitë Popullore Europiane dhe partitë simotra.
Deklaratë e Kolegjit të Kryetarëve të Partisë Demokratike të vulës
Partia Demokratike që prej marsit 2022 ka bërë përpjekje të vazhdueshme, por pa rezultat për bashkimin e demokratëve,
– dorëheqja e kryetarit më qëllim për t’i hapur rrugë bashkimit, gjë që nuk ndodhi,
– kërkesa për organizimin e zgjedhjeve të përbashkëta të cilat u refuzuan,
– kërkesa për përzgjedhjen e kandidatëve në zgjedhjet e 14 majit që u refuzua dhe u vazhdua me procese të njëanshme,
– propozimin për daljen me një kandidat të përbashkët për zgjedhjet vendore të 14 majit duke pranuar kandidatët e primareve
Të gjitha këto përpjekje u refuzuan.
Është humbur një vit në pritje të bashkimit, por pa rezultat dhe kjo ka ndikuar në dëmtimin dhe dobësimin e Partisë Demokratike.
Drejtuesit e Partisë Demokratike nga seksionet, grupseksionet, kryetarët e degëve kanë punuar me vetëmohim për të mos lejuar asimilimin Partisë Demokratike apo asgjësimin e saj.
Ne jemi të vendosur që Partia Demokratike të vazhdojë të jetë një parti aleate e SHBA, Britanisë së Madhe dhe BE, të shndërrohet në një alternativë dhe shprese për shqiptarët në zgjedhjet e përgjithshme të vitit 2025.
Për këto arsye, çdo ditë e humbur nuk i shërben as Partisë Demokratike, as demokratëve.
Partia Demokratike duhet pa asnjë vonesë të zgjedhë kryetarin e saj dhe të nisë organizimin dhe përzgjedhjen, të ekipeve që do ta drejtojnë këtë parti drejt zgjedhjeve të ardhshme.
Partia Demokratike nuk mund të vazhdojë të qëndrojë më gjatë pa kryetar. PD ka humbur kohë në pritje, ndërkohë që nuk ka asnjë reflektim nga pala tjetër, as pas rezultatit të zgjedhjeve të 14 majit.
Procesi për zgjedhjen e kryetarit të përfundojë brenda datës 15 Korrik 2023.
Nëse vazhdojmë të rrimë në pritje, atëherë kjo i shërben vetëm projektit te kundërshtarëve tanë politikë.
Nuk duhet humbur më asnjë ditë kohë për organizimin e PD, zgjedhjen e drejtuesve dhe shndërrimit të Partisë Demokratike në forcën politike që kërkojnë sot shqiptarët.
Kolegji i Kryetarëve të PD
