Shkijet e BIRN e duan Berishën në burg! Normal: Një herë OZNA, gjithmonë OZNA!

Sot UDB-ja nuk është Zyrtarisht në Qeverinë e Shqipërisë si në vitin 1945, “Koha Jonë” nuk i shërben Partisë Socialiste për të organizuar kryengritje të armatosur, por në tokën shqiptare vetëm uji dhe Lulzim Basha mund të flejnë me siguri ama jo dhe OZNA*, përkatësisht UDB-ja.

Për të kuptuar se sa i shërben politikës së Beogradit BIRN përkatësisht Balkaninsight, ju mjafton analiza e fundit për gjendjen në Shqipëri, për të kuptuar dhe postulatin “Jednom OZNA, uvek OZNA”/lexo shqip: Një herë OZNA, gjithmonë OZNA/se ai që është vënë një herë në shërbim të OZNA-s gjithmonë do të jetë në shërbim të saj.

Ti kthehemi analizës kriminale të OZNA-s, më falni BIRN deshta me thanë!

“Nëse Shqipëria do të respektonte shtetin e së drejtës, do ta kishte arrestuar Sali Berishën shumë kohë më parë, por lënia e tij si një njeri i lirë është e qartë se i shërben interesave të ngushta politike të kryeministrit Rama,” shpreh dëshirën BIRN në analizën e saj sepse nuk rendit qoftë dhe një argument që konfirmon se Berishës duhet vënë prangat një orë e më parë ndërsa jep një konkulzion të frikshëm që vetëm “Koha Jonë” ose “Zëri i Popullit” mund ta bënin në ditët e errëta të Shqipërisë:

“Që nga rënia e komunizmit, dy faktorë kryesorë kanë penguar përparimin demokratik të Shqipërisë, ish-kryeministri dhe presidenti Sali Berisha, dhe mungesa e vullnetit politik për të zbatuar shtetin ligjor,” thotë BIRN për njeriun i cili në 31 vitet e postkomunizmit qeverisi 13 vjet, ama është fajtor që ka penguar përparimin demokratik të Shqipërisë! Çfarë është bërë për 18 vjet të tjera as gëk dhe as mëk, dhe BIRN përkatësisht OZNA harron të sqaroj se a quhet demokraci liberalizimi i vizave, përmbyllja e MSA-s dhe anëtarësimi në NATO që ndodhën gjatë qeverisjes së Berishës, për të cilin analiza sugjeron që duhet të ishte në pranga.

“Të dy u përballën më 8 janar, kur Berisha organizoi një protestë të dhunshme e cila dështoi për të marrë selinë e Partisë Demokratike. Policia arrestoi 34 mbështetës të Berishës për shkatërrim prone. Por Berisha u la i lirë për të vazhduar luftën e tij një ditë tjetër, gjë që bëri që shumë njerëz të pyesin nëse shteti ligjor po zbatohet sërish në mënyrë selektive në Shqipëri,” konstaton BIRN një gjë që nuk e konstatoi as Gjykata dhe nga këta 34 të arrestuar si policia ashtu dhe prokuroria deklarojnë se 23 prej tyre ishin mbështetës të Berishës.

Pse 11 të arrestuar ishin dhunues të Lulzim Bashës ndaj demokratëve kjo mund ti vijë keq BIRN-it përkatësisht OZNA-s por është një fakt që duhet theksuar në një analizë që kërkon sundimin e ligjit pavarësisht se kush është shkelësi dhe ku ndodhi!

Gjithsesi, BIRN përkatësisht OZNA shpreh keqardhje:

“Fatkeqësisht, gjatë 30 viteve të fundit, si liderët ndërkombëtarë ashtu edhe ata shqiptarë, shpeshherë kanë korruptuar “peshoren” e drejtësisë për t’i shërbyer agjendave të tyre politike përkatëse.

Siç vuri në dukje Paskal Milo, ish-ministër i Jashtëm, kohët e fundit për një gazetë të përditshme shqiptare, SHBA dhe Evropa kanë kërcënuar të tërheqin ndihmën për Shqipërinë nëse Berisha arrestohej për tentativën e tij për grusht shteti në vitin 1998. Arsyetimi i tyre, asokohe, ishte se arrestimi i Berishës mund të çonte në trazira të mëtejshme dhe kërcënojnë një rajon tashmë të brishtë.”

Pra, Sali Berisha nuk e ka thirrur protestën e 14 Shtatorit 1998, sipas dokumentave zyrtare që konfirmohen me shkresën që PD i drejtohet policisë, nuk ka bërë ndonjërën nga veprimet e dhunshme për të cilat u akuzua Partia Demokratike dhe mbështetësit e saj, ama duhej të ishte prapa hekurave sepse këtë e donte BIRN dhe Paskali!

Dhe kur jemi, te prangat dhe “sebepi” që ekzistonte për të arrestuar Sali Berishën! Analiza “harron” vitet e terrorit socialist 2000-2001 kur dhe u arrestua Berisha kot vetëm pse kështu e mendonte Kryeministri Ilir Meta! Apo Meta nuk duhet ngacmuar as në analizë sepse është me Beogradin si gjithmonë!

“Sot është ndryshe. Rajoni është më i qëndrueshëm, siç tregohet nga nisma e fundit e Ballkanit të Hapur, që lidh Serbinë, Shqipërinë dhe Maqedoninë e Veriut. Berisha nuk gëzon më mbështetjen e Perëndimit si dikur – dëshmuar nga vendimi i fundit i SHBA-së për ta shpallur atë dhe familjen e tij non grata, për përfshirjen e tyre në ‘korrupsion të rëndësishëm’.

Por Tirana ka treguar pak prirje për ta arrestuar Berishën për këto veprime, apo për ta akuzuar për ndonjë veper penale. Shumë nga kritikët e kryeministrit socialist Edi Rama besojnë se kjo është për shkak se Berisha është një humbje e vëmendjes e dëshiruar nga dështimi sistematik i qeverisë për të zbatuar sundimin e ligjit për vite me radhë,” thekson analiza duke kaluar pa dashje në ujërat që kërkojnë prangat për Edi Ramën dhe jo një njeriu që në pleqërinë e tij politike merrej me rrjetet sociale dhe raportuesin e tij “dixhital” që dëshmonte për bëmat e qeverisë socialiste.

Pavarësisht “qytetarit dixhital” të Sali Berishës, edhe analiza flet për një korrupsion ndonëse Berisha sipas BIRN nuk është i pafajshëm edhe kur vjedh Edi Rama:

“Ata mund të kenë një pikë, siç sugjerohet nga raporti më i fundit i Gjykatës Evropiane të Auditorëve të ECA-së mbi sundimin e ligjit të BE-së në Ballkanin Perëndimor. Sipas raportit të ECA, ‘mbështetja e BE-së për sundimin e ligjit në Ballkanin Perëndimor ka pasur pak ndikim në reformat thelbesore’.

Raporti konfirmon gjetjet e Transparency International dhe Bankës Botërore se në Shqipëri dhe shumë nga fqinjët e saj, ‘megjithë vitet e reformës së BE-së, kapja e shtetit dhe korrupsioni i përhapur nuk janë frenuar’.

Në veçanti, raporti i referohet Agjencisë së Prokurimit Publik, APP, për të cilën thuhet: ‘Përfaqësuesit e biznesit dhe gazetarët thanë se korrupsioni në prokurimet publike është i përhapur, me indikacione të qarta të kapjes së shtetit: procedurave shpesh u mungon konkurrenca efektive, çmimet që ofrohen për punët publike janë të fryra dhe prokurimi për marrëveshjet koncesionare nuk ka transparencë’,” thekson analiza e BIRN përkatësisht OZNA-s ndonëse nuk mund të flitet për shpërqëndrim vemendjeje por mungesë të prangave në duart e Edi Ramës.

Por këtë si duket nuk e kupton vetëm BIRN!

“APP-ja ka qenë shpesh arena e marrëdhënieve të papërshtatshme, reciproke me përfitime ndërmjet liderëve politikë dhe anëtarëve të elitës së biznesit.

Së fundmi, u zbulua se një koncesion i inceneratorit të mbetjeve, i dhënë nga qeveria e Ramës, Lefter Kokës, ish-ministër i Mjedisit dhe deputet i Partisë Socialiste, po përdorej si një operacion shumë milionësh për pastrim parash. Koka u arrestua me akuzën e korrupsionit.

Partia Socialiste në pushtet e Ramës ka qenë në pushtet për më shumë se nëntë vjet dhe kontrollon qeverinë dhe parlamentin dhe gëzon mbështetjen e Uashingtonit dhe Brukselit. Në një kohë që në Partinë Demokratike është një rrëmujë totale, socialistët ka gjasa të qëndrojnë në drejtimin e qeverisë për ca kohë, pavarësisht nga rekordet e rasteve të korrupsionit,” thekson BIRN ku i bëhen lëmsh fajet e Berishës, Ramës dhe OZNA-s pse Sali Berisha nuk është në pranga!

Në fund, meqë BIRN nuk e don njeriun e vet në pranga, pra Edi Ramën, ai jep një përfundim epik që vetëm laboratori i OZNA-s mund ta prodhojë:

“Domethënë, nëse Rama nuk vendos t’i shërbejë interesave të kombit mbi ato të partisë së tij. Për ta bërë këtë, megjithatë, atij do t’i duhej të zbatonte sundimin e ligjit në mënyrë të barabartë dhe të gjerë në të gjitha linjat partiake.

Përndryshe, ai mund të përjetësojë aktin e cirkut me dy unaza me Berishën si një shpërqendrim nga dështimet e tij, duke i kushtuar vëmendje përpjekjes së tij për të ndërtuar një shtet të rrënjosur në shtetin ligjor,” përfundon BIRN përkatësisht Balkaninsight analizën e saj që i dedikohet lexuesit anglishtfolës sepse shqipfolësit tashmë e kanë të qartë:

Një herë OZNA, gjithmonë OZNA!

*”Odelnje za zastitu naroda” – OZNA /lexo shqip: Departamenti për mbrojtjen e popullit/, ishte shërbim i kundërzbulimit i Ushtrisë Nacionalçlirimtare të Jugosllavisë në Luftën e dytë botërore, e cila është themeluar më 13 Maj 1944 ndërsa në marsin e vitit 1946 është riorganizuar në Drejtorinë e sigurimit të shtetit UDB, dhe Shërbimin e kundërzbulimit të ushtrisë jugosllave, KOS. © pafrike.al