Shoferi i ministrit të Brendshëm, 31 vjeçari festoi një natë më parë…

Shkëlzen Qordja, shofer i ministrit të Brendshëm Fatmir Xhafaj, i cili u gjet i pajetë me një plumb në kokë, u përcoll për në banesën e fundit mesditën e sotme.

31-vjeçari u gjet në një automjet brenda territorit të Gardës së Republikës në orët e para të mëngjesit të së shtunës.

Sikundër raportohet i ndjeri rezulton se pak orë para se të parkonte automjetin ku u vetëvra në mjediset e gardës, ka qenë duke festuar në një nga klubet e kryeqytetit.

Ky version konfirmohet edhe nga të afërm të 31-vjeçarit, i cili sipas tyre kishte postuar edhe video në rrjetet sociale.

Familjarët e viktimës përmes një deklarate për mediat, kërkuan që politika mos fabrikojë fantazi apo versione që rëndojnë pozitën e të ndjerit.

Ndërkohë Kryeministri Rama ka deklaruar versionin e vetëvrasjes, opozita ka ngritur pistën e vrasjes.