Shoferi i pajetë me një plumb në kokë/ Salianji: i pari që duhet të hetohet është Xhafaj

Mëngjesin e sotëm u gjet i pajetë me një plumb në kokë, në makinën e tij, brenda territorit të Gardës së Republikës, shoferi i ministrit të Brendshëm, Fatmir Xhafaj.

Ngjarja e rëndë shkaktoi një seri reagimesh, një prej të cilëve edhe të deputetit të PD-së, Ervin Salianji.

Sipas tij, për rastin e vdekjes së dyshimtë të shoferit, duhet të hetohet edhe vetë Ministri i Brendshëm.

Ai thotë madje se Xhafaj duhet të jetë në rrethin e parë të personave që duhen hetuar dhe ngre pyetje se kush prej vartësve do mund të hetojë eprorin.

“Kush do të hetojë për zbardhjen me plumb pas koke të shoferit të Ministrit të Brëndshëm? Për shkak të rrethanave Ministri është në rrethin e parë të personave që duhet të hetohet. Kush do ta hetojë atë, vartësit do hetojnë eprorin?!

Shumë rastësi bëjnë një ligjësi. Nga lidhja me mafian tek informacionet konfidenciale gjithcka e bên të tmerrshme këtë histori.

Ndoshta, por kush do të hetojë të vërtetën!

Besimi i shqiptarëve tek drejtësia kalon n?për këto momente dhe nuk është e rastit që ka humbur plotësisht.

Realiteti i shqiptarëve i ka kaluar imagjinatën e serialeve të famshme të Games of Thrones apo House of Cards, jeta e qytetarëve shpjegohet vetëm me skenarë filmash, ka kaluar çdo imagjintatë realiteti.”, shkruan Salianji.