Show filloi, Kryeministri më skandaloz fletë për Presidentin më skandaloz që ka pasur Shqipëria
Presidentin aktual Ilir Meta sot Kryeministri Edi Rama e cilësoi anormal, thuase dikush e ka vënë në dyshim aq më shumë kur kemi të bë bëjmë me një person i cili u përzgjodhë nga Internacionalja Socialiste me garant Presidentin e Serbisë, Boris Tadiç, për të arritur Marrëveshjen për largimin e Sali Berishës nga pushteti. Madje vetë Edi Rama tha se Ilir Meta është Presidenti më skandaloz nga viti 1991 duke harruar që përveç Presidentit, edhe të gjithë ministrat që ka përzgjedhë si Kryeministër për 9 vjet, ishin më skandalozët që nga viti 1991.
Duke filluar me shown e ri në Grupin Parlamentar të PS, Kryeministri Edi Rama bëri të ditur se do të diskutoi me popullin çështjen e zgjedhjes së Presidentit nga Populli, çështje kjo e ditës sipas vlerësimit të Kryeministrit, pas kanabisit!
“Mirëdita të gjithëve. Sot siç edhe jeni informuar, jemi mbledhur për të startuar dhe brenda grupit tonë parlamentar, procesin e identifikimit të kandidaturës më të përshtatshme për presidentin/en e republikës. Për herë të parë PS ka mundësi që ta zgjedhe e vetme presidentin, çka do të thotë se për herë të parë PS ka përgjegjësinë për cilësinë e kandidaturës. Në ,pamje të parë kjo duket sfidë e lehtë, po të kemi parasysh se thuajse çdo kandidaturë që mund të plotësonte disa kritere fare elementare, si përshembull njohjen e gjuhës shqipe, si përshembull emër me një karrierë profesionale, apo vetëpërmbajtjen në raport me ligjin dhe me Kushtetutën, do të ishte më e mirë se sa presidenti aktual i republikës së Shqipërisë.
Nga ana tjetër, ajo çka e bën këtë moment shumë përcaktues për karakterin për ambicien e PS, është se nuk mjafton thjesht të zgjedhim një person që do të ishte më i përshtatshëm për atë rol se sa Ilir Meta. Gjë që do ta përmbyshnin si kriter 90% ë shqiptarëve. Por është që të zgjedhim një figurë për të luajtur në 5 vitet e ardhme rolin e kreut të shtetit që të rrezatojë normalitet,” tha Edi Rama duke menduar se shqiptarët e kanë harruar se Presidentin Ilir Meta e përzgjodhi Internacionalja Socialiste dhe Marrëveshja u firmos me garantin, Presidentin e Serbisë, Boris Tadiç, më 1 Prill 2013 në Shkodër.
Gjithsesi, Ky është Kryetar i PS dhe nuk ka se si të flet ndryshe përveç se të gënjej, madje premton një President që do të rrezatojë normalitet.
“Të zgjedhim një figurë për të luajtur në 5 vitet e ardhshme rolin e kreut të Shtetit që të rrezatojë normalitet, që të ketë integritet, të garantojë respekt të ndërsjelltë mes institucionit të Presidentit të Republikës dhe aleatëve tanë strategjikë, partnerëve tanë, miqve të Shqipërisë që të sigurojë gjithashtu një nivel profesionalizmi në adresimin e të gjithë gamës së çështjeve që lidhen me Presidentin e Republikës. Sikundër edhe të përçojë një frymë përbashkuese përtej bindjeve të tyre politike, përtej të gjitha dallimeve natyrshme mes tyre. këtu sfida vështirësohet, përzgjedhja është më e ngushtë se sa do të ishte në sy të parë përzgjedhja e një pasuesei të Presidentit më Skandaloz që ka njohur historia e atij institucioni. Praktikisht të presidentit më të pa përsëritshëm në rolin e vet që Shqipëria ka pasur taksiratin të jetë mbi krye.
Zgjedhja e Metës ishte një zgjedhje me detyrim për ne, që s’i kishim votat për të zgjedhur Presidentin e Republikës dhe gjendeshim në kontest politik të jashtëzakonshëm. Mungonte opozita zyrtare në sallë dhe nga ana tjetër vullneti e dëshira jonë ishte që zgjedhja jonë të vinte mbi dikë që do të mund të përfaqësonte edhe opozitën. Zgjodhëm në ato kushte një President për opozitën, por duke menduar që do të ishte edhe një President për Shqipërinë, natyrisht. Rrjedha e ngjarjeve tregoi krejt të kundërtën për Shqipërinë dhe shqiptarët dhe i dha vendit një President që do të ishte shëmbëlltyra më e keqe e opozitës më të keqe që ky vend ka pasur që prej vitit 1991. Sot jemi në kushte të tjera,” tha Rama duke vazhduar me fjalorin socialiste se PS nuk duhet zgjedhur sërish një President anormal si Ilir Meta.
“Na duhet të kemi një pamje të qartë të situatës së çdo qarku parë me sytë e deputetëve dhe natyrisht të komuniteteve. Duke qenë falënderues për ata që kontribuuan në këshillimin kombëtar, dua të them një gjë. Ky proces që sapo kryem është shumë i rëndësishëm dhe natyrisht është i theksuar mbase në disa popuj që për çdo gjë të re të ketë mosbesim dhe madje teori konspiracioni. Për mua është e rëndësishme që PS të dalë faqebardhë nga ky proces e të mos kthejë kokën mbrapa. Të mos përballet me fatalitetin e një zgjedhjeje që në rastin e Metës ishte detyrim përcaktim, por këtë herë s’na falet që të bëjmë një zgjedhje që do të na përballet si fatalitet. Ne e dimë shumë mirë se nëse këtu flasim edhe pa kamera, fjalët marrin dhënë përderisa flitet për emra. Unë e kam nderin më të madh të kemi një përgjegjësi të madhe. Kjo përgjegjësi s’mbahet vetëm.
Deputetët duhet të ndihen pjesë e procesit dhe vota të vij si rezultat i një procesi. Duhet të shohim edhe mundësinë të hymë në raundet e para me më shumë se 1 kandidaturë. Në rast se gjendemi në kushtet që kemi më shumë se një kandidaturë që duket e arsyeshme dhe konsensuale. Ajo që mbetet është që Taulanti me ministren dhe Sekretarin e Përgjithshëm të bëjnë pjesën tjetër të procesit me anëtarët e Kuvendit duke ofruar gatishmërinë dhe nëse patjetër do të kemi propozime të arsyeshme prej tyre, s’ka arsye të mos i marrim në konsideratë. Nuk na duhet një president për PS, por për Shqipërinë. Me këtë aktualin kemi thyer një nga rekordet e anormalitetit. Besoj që përfshirja e të gjithëve do të jetë pozitive. Ky është proces i hapur, nëse ka për të shtuar i kam kërkuar ministrave, që përtej propozimeve të tyre si deputetë të sjellin edhe propozime të mundshme që vijnë nga fushat që drejtojnë,” tha Edi Rama dhe në fund foli dhe për zgjedhjen e Presidentit nga populli.
“Sot, jemi përballë një sfide që duhet ta shohim si një përgjegjësi të madhe dhe jo si mundësi të lehtë për t’i imponuar vendit një president apo presidente që do i përmbushte vendit thjesht me sukses gjysmën e kornizës politike të Shqipërisë duke qenë faktikisht tërësisht e ngjyrosur politikisht. S’është kjo që na duhet dhe duhet të bëjmë. Ajo që duhet të bëjmë së bashku duke i hapur rrugë sugjerimeve të gjithsecilit këtu, në një proces konfidencial. Ne s’bëjmë diskutim të hapur në këtë fazë e të japim emra. Duhet një rezervuar mendimesh ku do të identifikojmë bashkërisht kandidaturën më të përshtatshme.
Procesi nuk mbetet i mbyllur brenda grupit parlamentar e për këtë arsye kemi një komision të përbërë nga kryetari i grupit, ministrja Spiropali dhe Gjiknuri, për të diskutuar me pjesët e tjera të Kuvendit të Shqipërisë. Ka pasur dhe ka aktualisht një debat lidhur me psenë e moszgjedhjen e Presidentit të Republikës nga populli dhe ripërsëritjen e të njëjtit proces që mbetet i kufizuar nga veprimtaritë e partive politike në Kuvend. Është një temë e cila meriton të diskutohet,” tha Kryeministri Edi Rama i cili në fillim e diskutoi me popullin çështjen e kanabisit e tani mendon ta bisedoj për Presidentin:
“Ne kemi detyrimin t’ia japim njerëzve mundësinë të shprehen për këtë temë dhe përcaktuar disa piketa. Shqipëria është një republikë e pastër Parlamentare dhe si e tillë s’ia mban dot në ngrehinën e vet një presidenti të zgjedhur nga populli me këto atribute dhe kompetenca që figura e kreut të shtetit ka sot. Patjetër që Shqipëria mund të zgjedhë një president nga populli nëse ndryshon Kushtetutën dhe i jep Presidentit disa instrumente që e bën një figurë të zgjedhur nga populli që ka peshën e vet, bazuar në atributet që i jep Kushtetuta dhe që nuk bëhet qesharak edhe i rrezikshëm duke rrëshqitur nga binaret e Kushtetutës si Meta. Ai shkeli Kushtetutën, e konfirmoi Gjykata Kushtetuese, por duke e lënë në mes të rrugës vendimin e vet pasi e konsideroi shkeljen jo mjaftueshëm të rëndë. Çfarë duhet të bënte tjetër Meta që të shkarkohet, këtë s’e mësojmë kurrë.”
Përzgjedhja
Të gjithë ata që besojnë se edhe sot Edi Rama nuk po bënë show atëherë janë të detyruar të besojnë se sot deputetët e PS dorëzuan nga një zarf, brenda të cilit ishin 3 emra, dh enga poropozimi i tyre në kushte anonimati do të bëhet përzgjedhja për Presidentin e ri të Reublikës.
PS ka ngritur Grupin e punës prej 3 anëtarëve, Taulant Balla, Elisa Spiropali dhe Damian Gjiknuri, që nesër do të ulet në një tryezë me përfaqësuesit e opozitës, që sipas dekretit të Taulant Ballës janë, Enkelejd Alibeaj, Mesila Doda dhe Fatmir Mediu, për të zhvilluar konsultimet për të përzgjedhur një emër konsensual.
Mandati i Ilir Metës skadon më 24 korrik.
