Shpëtoi Shqipëria, themelohet “Bindja Demokratike”…
Të mbledhësh 3.000 firma, të regjistrohesh në Gjykatë si parti dhe më pas të aplikosh në KQZ për zgjedhjet vendore, vetëm brenda një dite, kjo ndodhi sot, jo në Zvicër as në Danimarkë por në Shqipëri ku asgjë nuk funksionon, as Gjykatë, as Prokurori, as KQZ, as sistem zgjedhor dhe asgjë prej gjëje dhe arsyeja është e thjeshtë, kryeministër është Edi Rama.
Si është e mundur kjo?!
Themeluesit e partisë më të re në Shqipëri, “Bindja Demokratike”, na japin kallauzin e regjistrimit të një partie vetëm për pak orë edhe nëse asgjë nuk funksionon në këtë Shqipëri ku kryeministër është Edi Rama:
“Kundërshtarët e Bindjes Demokratike janë përfituesit më të mëdhenj nga ky sistem i kalbur politik, në krye të cilëve qëndron sot kryeministri Edi Rama.”
Por kur i kryeni të gjitha këto veprime brenda një dite, pra, mbledhjen e firmave, regjistrimin në Gjykatë dhe aplikimin në KQZ, mos mendoni se është rastësi që ata të vërsulen në shpinë ende pa lindur, siç nuk shqetësohen as themeluesit e Bindjes Demokratike.
“Ne mendojmë se fuqia e pakontrolluar e pushtetit të Edi Ramës, buron edhe nga pafuqia e opozitës zyrtare, sidomos nga pranimi prej saj i modelit të qeverisjes së partisë dhe më pas qeverisë. Opozita zyrtare e shikon pushtetin e Edi Ramës si model që mund ta shfrytëzojë për vete, kur t’i jepet rasti. Që do të thotë se ajo nuk e sulmon atë, por thjesht e lakmon. Ajo nuk do ta shembë atë model, por do që ta përvetësojë. Ajo nuk do të ndryshojë Shqipërinë, por do të ndryshojë vetëm pushtetin në këtë vend. Ndërsa ne jemi kategorikisht kundër kësaj,” theksojnë themeluesit e Bindjes Demokratike përmes një shënimi të sigluar nga kryetari Astrit Patozi. Ndryshe që të gjithë Zyrtarë të lartë të Partisë Demokratike dhe figura qendrore të qeverisjes demokratike që i mundësuan Edi Ramës të vij në pushtet, dhe të bëhet ky që është, kryeministër i këtij sistemi të kalbur me fuqi të pakontrolluar; Kohë kjo kur nuk ekzistonte opozita e kryesuar nga PD dhe Lulzim Basha!
Gjithsesi, sot Shqipëria është me fat, shpëtoi, ka Bindjen Demokratike!
A jeni të bindur për këtë gjë, pak rëndësi ka, do t’ju ndihmojë në paqartësimin edhe më të madh të çështjes, si në çdo rast, ai i cili qëndron në krye të kundërshtarëve, por, pa të cilin brenda një dite nuk mbledhen dot 3.000 firma, nuk regjistrohesh dot në Gjykatë dhe aplikon për zgjedhje vendore në KQZ, Edi Rama!
Themeleuesit e partisë “Bindja Demokratike”
Astrit Patozi
Fabian Topollaj
Arben Skënderi
Leonard Olli
Andi Përmeti
Ardjan Kollozi
