Shuhet Ali Oseku

Shuhet piktori i njohur shqiptar Ali Oseku. I madhi Ali Oseku u nda nga jeta në moshën 80-vjeçare, pasi humbi betejën me sëmundjen e rëndë.

Ali Oseku lindi në Tiranë në vitin 1944, në një familje me origjinë nga Gjakova. Liceun artistik e mbaroi në vitin 1963, ndërsa Institutin e Lartë të Arteve në vitin 1969.

Pas studimeve, artisti filloi punë si skenograf në TOB.

Në vitin 1973, në valën e ndëshkimeve shtetërore në fushën e artit dhe kulturës, Ali Oseku dënohet me burg deri në vitin 1979.

Pas kësaj periudhe, Oseku punoi si punëtor i thjeshtë, deri në rënien e sistemit.

Pas viteve ’90, Ali Oseku ishte një nga zërat më aktivë dhe ndryshe të skenës artistike.