Shuhet Pierre Cardin

Shuhet stilisti francez i modës, Pierre Cardin. Lajmin për vdekjen e Pierre Cardin në moshën 98-vjeçare, në një spital pranë Parisit, e ka bërë të ditur sot familja e tij.

“Është një ditë e trishtimit të madh për të gjithë familjen tonë. Ne të gjithë jemi krenarë për ambicien e tij këmbëngulëse dhe guximin që ai ka treguar gjatë gjithë jetës së tij,” thuhet në deklaratën e familjes.

Pierre Cardin ka lindur në Itali në vitin 1922, por është zhvendosur në Francë si fëmijë.

Cardin, raporton RFE, është vlerësuar për revolucionarizimin e modës me modelet e tij futuriste në vitet 1950 dhe ‘60.

Ai gjithashtu ka qenë ndër të parët në biznes, që ka licencuar emrin e tij për t’u përdorur në një gamë produktesh, të tilla si syzet e diellit.

Ai është pranuar në Akademinë e Arteve të Bukura të Francës në vitin 1992.