Largohet Gent Cakaj, urimet nga Ambasadorja e SHBA!
Pas publikimit të lajmit nga Kryeministri Edi Rama për largimin e Gent Cakajt dhe zëvendësimin e tij nga Olta Xhaçka, ka reaguar Ambasadorja e SHBA në Tiranë, Yuri Kim duke falënderuar Cakajn dhe duke mirëpritur emërimin e Olta Xhaçkajt si Ministre e Jashtme:
“Faleminderit @CakajGent për të gjitha përpjekjet për të forcuar marrëdhëniet SHBA-Shqipëri, përfshirë si aleatë të NATO. Miqësia midis dy vendeve tona forcohet prej liderave të tillë. Urojmë suksese në të gjitha përpjekjet në të ardhmen. Faleminderit!” thekson Ambasadorja amerikane në reagimin e saj përmes rrjetit social Twitter duke mirëpritur Olta Xhaçkën si një partnere të jashtëzakonshme:
“Mirëpresim emërimin e @xhacka_olta si MJ. Ka qënë një partnere e jashtëzakonshme në forcimin e marrëdhënieve të mbrojtjes midis SHBA, dhe Shqipërisë dhe në rritjen e kapaciteteve të Shqipërisë si aleat i NATO. Shpresojmë të punojmë në vijim për të forcuar edhe më shumë marrëdh. tona diplomatike.”
Në fund, Ambasadorja e SHBA në Tiranë, Yuri Kim, nuk harron të uroj dhe Niko Peleshin si Ministër të Mbrojtjes duke shpresuar bashkëpunimin në vijim si miqë dhe aleatë të NATO-s:
“Mirëpresim emërimin e @nikopeleshi si Ministër i Mbrojtjes. Shpresojmë të bashkëpunojmë në vijim për t’u siguruar që SHBA dheShqipëria të vazhdojnë të jenë miqtë më të mirë, partnerë dhe aleatë në NATO.”
Ndryshe, pas largimit të Gent Cakajt nga Ministria e Jashtme, Kryeministri Edi Rama e zëvdendësoi me Olta Xhaçkën ndërsa si Ministër i Mbrojtjes u emërua Niko Peleshi.
