Largohet Gent Cakaj, ja ndryshimet në qeveri…
Kryeministri Edi Rama pasi bëri bilancin e vitit 2020 duke bërë premtime për premtimet e bëra, u largua nga mejdani mediatik për t’iu rikthyer rrjeteve sociale ku nga Twitter lajmëroi se Zv/Ministri i Jashtëm, Gent Cakaj po largohet. Dhe jo vetëm kaq!
Olta Xhaçkaj do të jetë Ministre e Jashtme ndërsa vendin e saj si Ministre e Mbrojtjes do ta zë Niko Peleshi.
“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme,” thekson Edi Rama përmes rrjetit social Twitter duke falënderuar njeriun që e largoi dhe duke paralajmëruar edhe ndryshimin e radhës:
“Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes.”
Ndryshe, pas largimit të Ditmir Bushatit, Kryeministri Edi Rama e konfirmoi se ky është një dikaster që nuk i hynë fare në punë për qeverisje, siç e ëndërronte Ditmiri, dhe pas rëndësi për Ramën nëse është ai, Genti apo Olta.
Projeksioni i diplomacisë nga Kryeministri Edi Rama u dëshmua edhe sot se pak rëndësi ka nëse kemi të bëjmë me Ministri për Punë të Jashtme dhe asaj i duhet shtuar edhe Europë.
Thjeshtë, Edi Rama nuk ka lidhje me asnjërën prej tyre, as me Punë të Jashtme as me Europë.
