Skandal në Polici, Karamuço: Drejtuesi i lartë, agjent iranian i cili fshiu të dhënat e TIMS

Në kupolën e lartë të Policisë së Shtetit u zbulua celula agjenturore e iranianëve, bënë të ditur sot eksperti i kriminalistikës, Ervin Karamuço, duke Drejtorin e një Departamenti në Policinë e Shtetit i cili u kap në flagrancë nga vartësit e tij, duke shkarkuar dhe fshirë të dhëna në sistemin policor TIMS.

“Një Drejtor Departamenti në Policinë e Shtetit, me gradën “Drejtues i Lartë”, emëruar së fundi me porosi të veçantë dhe pa shkollë policore, ish punonjës i AKSHI i ikur me dorëheqje pas rrjedhjes së të dhënave, u kap në flagrancë nga vartësit e tij, duke shkarkuar dhe fshirë të dhëna në sistemin policor TIMS,” thekson Ervin Karamuço duke denoncuar dhe sakndalin e radhës me këtë “drejtues të Lartë” të Policisë së Shtetit, i cili është pezulluar nga detyra dhe çuditërisht nuk është arrestuar akoma ndërkohë për këtë rast janë ngritur në këmbë disa institucione duke përfshirë dhe SHISH-in.

Reagimi:

Zbulohet celula agjenturore e Iranianëve në kupolën e lartë të Policisë së Shtetit.

Një Drejtor Departamenti në Policinë e Shtetit, me gradën “Drejtues i Lartë”, emëruar së fundi me porosi të veçantë dhe pa shkollë policore, ish punonjës i AKSHI i ikur me dorëheqje pas rrjedhjes së të dhënave, u kap në flagrancë nga vartësit e tij, duke shkarkuar dhe fshirë të dhëna në sistemin policor TIMS.

Aktualisht është pezulluar nga detyra dhe çuditërisht nuk është arrestuar akoma. Ndërkohë alarmi për këtë rast ka ngritur në këmbë një sërë institucionesh, përfshirë edhe SHISH…