Skandali TIMS, pas shqetësimit nga SHBA, AMP kallëzim në Prokurorinë e Tiranës

Agjencia e Mbikëqyrjes Policore, AMP, kallëzon në Prokurorinë e Tiranës, skandalin me sistemin TIMS.

Kallëzimi i AMP vjen pak ditë pasi Ambasada e SHBA në Tiranë ngriti shqetësimin për ndërhyrjen në sistemin TIMS dhe rrjedhjen e të dhënave sensitive.

Ndryshe, ditë më parë I Ngarkuari me Punë i Ambasadës në Tiranë, H. Martin McDowell në takim me Ministrin e Brendshëm, Taulant Balla, shprehu shqetësimet e SHBA në lidhje me ndërhyrjen e raportuar në sistemet TIMS në Policinë e Shtetit ndërsa nxiti një hetim të shpejtë dhe të gjithanshëm duke theksuar rëndësinë që ka mbrojtja e të dhënave sensitive, përfshi edhe të qytetarëve amerikanë në Shqipëri.

Me këtë rast, H. Martin McDowell i tha Ministrit të Brendshëm, Taulant Balla, se Shtetet e Bashkuara janë të gatshme ta mbështesin Ministrinë dhe Policinë e Shtetit në hetimin e tyre.