Skenari kriminal i Edi Ramës, PD: Tom Doshi, Shef i shtabit tregon…

Pas ngjarjeve në KZAZ-në Bushat, ku u dëmtuan materialet zgjedhore dhe u plagosën 3 policë, Partia Demokratike duke reaguar e quan një skenar kriminal të Kryeministrit Edi Rama dhe Tom Doshi, si Shef i shtabit politik për Shkodrën është emblema e qeverisë për 30 qershorin.

Dhe jo vetëm kaq! Tom Doshi është garancia që Edi Rama i jep krimit për të bashkëqeverisur, thekson PD ndërsa rikujton se ai është në listën e zezë të SHBA-ve.

Partia Demokratike shpreh keqardhjen për policët e lënduar dhe i inkurajon të bëjnë publik çdo informacion që zbulon planin e Ramës për përplasje civile.

Deklarata

Partia Demokratike dënon skenarin kriminal të Edi Ramës për inkriminimin e opozitës dhe identifikimin e saj me dhunën që ka planifikuar vetë.

Emërimi i Tom Doshit si shef i shtabit politik për Shkodrën, nga Edi Rama, është emblema e qeverisë për 30 Qershorin. Një individ, në listën e zezë të Shteteve të Bashkuara, është garancia që Edi Rama i jep krimit për të bashkëqeverisur.

Duke qenë se e ka dërguar si përfaqësues në KZAZ për të dhënë direktiva për 30 qershorin, për të bërë herë si politikan, herë si gangster, herë si shef policie, le ta ngarkojë edhe si prokuror që të shpallë armik atë që ka caktuar partia.

Partia Demokratike shpreh keqardhjen për policët e dëmtuar sonte, si dhe i inkurajon ata të bëjnë publik çdo informacion që zbulon planin kriminal të Edi Ramës për përplasje civile