Sondazhet, një Luftë për mendjen tënde!

nga Ermal Ngjelina

Çdo minutë që kalon po ngushton edhe hapësirën kohore në dispozicion të partive politike për të fituar zgjedhjet. Zgjedhjet përcaktojnë se kush do të ketë fatin të drejtojë qeverisjen e ardhshme. Për lexuesin mund të ketë pak rëndësi, për garuesit është një luftë midis jetës dhe vdekjes politike.

Po! Kjo është luftë! Një luftë prej vërteti! Nuk është luftë me bomba, tanke dhe avionë për të pushtuar një territorr.

Është luftë prej vërteti për të pushtuar mendjen e njerëzve. Prej vitesh natyra e luftës ka ndryshuar. Ajo është luftë informacioni për të pushtuar mendjen e njerëzve.

A luftoi Amerika me Bashkimin Sovjetik? Po! A u hodhën bomba? Jo! Kush fitoi? Amerika!

A e pushtoi Amerika, Bashkimin Sovjetik? Po! Si e pushtoi kur presidenti i Bashkimit Sovjetik ishte Jelcini dhe më pas Putin? Amerikës nuk ju desh të dërgonte trupa ushtarakë për të pushtuar botën në fund të viteve 90. Më herët kishte investuar në Hollivud. Me muzikë dhe filma pushtoi mendjen e botës.

Në maj të 1991 grupi Metallica zhvillon një koncert në Moskë. Më shumë se 1 milionë pjesëmarrës në koncert. Pjesëmarrësit, të gjithë të rinj që kishin udhëtuar me tren për ditë me radhë, nga të gjithë cepat e Bashkimit Sovjetik, për të marrë pjesë në koncert.

Në atë periudhë asnjë prej të rinjve nuk do pranonte të rekrutohej në ushtri dhe të vriste ushtarë amerikanë. Amerika nuk kishte nevojë për ushtarë.

Amerika kishte pushtuar mendjen e rinisë sovjetike dhe fitoi!

E njëta gjë ndodh sot në Shqipëri. Kush nga partitë politike pushton mendjen votuesve ka të garantuar qeverinë.

Opinioni kthehet në vendim. Vendimi kthet në akt. Akt është të çohesh në mëngjesin e datës 25 prill dhe të shkosh te dhoma e votimit për të shënuar partinë dhe kandidatin që të ka bindur. Ky është akti që tmerron çdo politikan dhe i kushtëzon sjelljen përgjatë 4 viteve të mandatit të tij. Imagjino, cili do shpallej fitues në zgjedhje nëse supozojmë se nuk voton asnjë prej shqiptarëve, madje as antarët e qendrave të votimit? Prandaj sot, ti je i sulmuar nga të gjitha anët, që në mendjen tënde të jetojë pa qera dikush që garon për qeverinë e ardhshme.

Nën dhunën e tmerrit të ditës së votimit, partitë, dhe sidomos partia në qeveri që e ka të qartë se ka ardhur momenti për të paguar kosto politike të sjelljes së saj, investojnë në sondazhe të opinionit publik.

Sondazhet kanë nisur dhe do jenë prezentë në çdo moment të informimit të publikut, me intesitet gjithmonë e në ritje, jo deri kur të mbarojnë votimet, por deri kur KQZ të shpallë rezultatin e zgjedhjeve.

Ti, ndoshta në këto mëngjeset e fundit, duke pirë kafen para fillimit të punës, ke gjetur veten duke bërë debat mbi sondazhin që ke parë natën e mëparshme në TV dhe përplasesh sepse sondazhi që bashkëbiseduesi yt ka parë nuk përputhen aspak me njera tjetrën.

Cila është e vëteta e sondazheve? A po gënjejnë këto kompanitë e sondazheve? Nëse gënjejnë pse gënjejnë?

Të gjitha kompanitë e sondazheve janë serioze. Ato paguhen dhe e justifikojnë me punë reale pagesën. Në fund të punës ato dorëzojnë raportet. Raportet janë statistikore dhe shoqërohen nga komentet/lexim/përkthim statistike. Kompanitë dhe porositësit nuk gënjejnë. Thjesht informacioni që ato japin është i vërtetë por pa paraqitur tablonë e plotë të sondazhit. Sepse rezultati i sondazhit është në pronësi të porositësit, në këtë rast partitë politike. Porositësi publikon një raport që i intereson.

Njësoj si me bilancet e kompanive private. Të gjitha punojnë me dy bilance. Në vende si Shqipria ku nuk ka treg të aksioneve, kompanitë janë gjynafqare, vuajnë për bukën e gojës. Në vendet ku ka treg të aksioneve, bilancet fryhen/egzagjerohen, thua se po u shesin biskota dhe çokollata edhe alienëve në planetin Mars.

Pra, raporti i sondazhit që publikohet në televizion nuk është i gënjeshtër. Mesazhi është i gënjeshtër.

Si ta dalloj që mesazhi i këtij sondazhi është i gënjeshtër dhe synon të më shesë sapunin për djath?

E thjeshtë. Parimisht mashtruesi më i madh është qeveria. Qeveria është i punësuari jot. Ti je punëdhënësi i qeverisë. Bëj vlerësimin e mesazhit të sondazhit duke gjykuar nga pozita e punëdhënësit. A do vazhdosh ta mbash në punë punëtorin tënd në pozicionin me emrin Qeveri, apo do thërrasësh dikë tjetër për këtë punë?

Së dyti; ki besim tek vetja, tek gjykimi dhe tek ndjesia që të jep fundi i prezantimit të mesazhit të sondazhit. Mos dysho asnjëherë tek vetja: Opinion yt është edhe opinion i të tjerëve!!!

Sondazhi në thelb është një njeri që përgatit një listë pyetjesh; merr në telefon disa njerëz nga qytete të ndryshme të vendit dhe del në televizor dhe të thotë ty se çfarë mendojnë njerëzit. Pra të thotë që për këtë temë njerëzit mendojnë kështu, ndërsa për atë temë mendojnë ashtu.

Njerëzit që janë subjekt i sondazhit jetojnë në Shqipëri ashtu si ti. Konsumojnë të njëjta produkte dhe shërbime. Lexojnë të njëjta gazeta dhe shikojnë të njëjtin televizor. Ata paguajnë të njëjtat taksa siç paguan edhe ti dhe përgjithësisht kanë pothuajse të njëjtat halle dhe ëndrra siç ke ti.

Pra, mos prit që të vërtetën të ta thotë dikush që ka marrë në telefon 1000 veta.

Sepse ata kanë dhënë të njëjtën përgjigje që do jepje edhe ti.