Sondazhi më i ri, Trump 40% – Biden 34%
Donald Trump është në epërsi ndaj presidentit aktual demokrat Joe Biden për 6 për qind, tregojnë rezultatet e sondazhit të fundit Reuters/Ipsos që reflektojnë dhe ndryshimet në qëndrimet e opinionit publik pas fitores së Ish-Presidentit në New Hampshire, kundër rivales republikane Nikki Haley dhe gjithë atyre demokratëve të Biden që u munduan ta përmbysin rezultatin.
Sondazhi kombëtar ndër 1.250 anketues amerikan me të drejtë vote tregoi se Trump është në epërsi ndaj Biden me 40:34 për qind, ndërsa demokratët u ngushëlluan me pjesën tjetër të mbetur që u shprehën se nuk janë të sigurt ose mendojnë të votojnë për dikë tjetër, dhe se mundësia e gabimit ishte 3 për qind
Gjithsesi, kjo është një fitore e madhe e Donald Trump pas sondazhit që zhvilloi Reuters/Ipsos më herët dhe ku rezultatet tregonin se ai dhe Biden janë me numrin e barabartë të votave.
Deri sa Trump fitoi ndaj rivales së vet republikane Nikki Haley, rreth 67 për qind e të anketuarëve nga e hëna deri të mërkurën deklaruan se “janë lodhur duke parë kandidatë të njejtë në zgjedhjet presidenciale dhe dëshirojnë një të ri”.
Por epërsia e Trump prej 6 për qind ishte po ajo edhe kur të anketuarit kishin mundësinë të votojnë edhe për kandidatin e tretë, duke përfshirë aktivistin kundë vaksinave Robert F. Kennedy i riu, ku Trump mori 36 për qind të mbështetjes, Biden 30 për qind dhe Kennedy 8 për qind.
Pak më shumë se gjysma e të anketuarëve deklaroi se janë të pakënaqur me sistemin dypartiak, ndërsa rezultoi se vetëm çdo i katërti është i kënaqur.
Shtatëdhjetë për qind e të anketuarëve, duke përfshirë gjysmën e demokratëve, janë dakord se Biden nuk duhet të kërkoj të rizgjidhet. Por, demokratët ngushëllohen me faktin, që theksohet në çdo media AntiTrump, se janë dhe pesëdhjetë e gjashtë për qind e të anketuarëve që mendojnë se Trump nuk duhet të kandidoj, duke përfshirë rreth 1/3 e republikanëve.
Biden ishte i ngarkuar me opinionin e gjerë publik se është 81 vjeç, dhe është tashmë personi më i moshuar që ishte ndonjëherë President i SHBA.
Tre të katërtat e të anketuarëve janë dakord me deklaratën se Biden është shumë i moshuar që të punoj në qeveri, deri sa gjysma të njejtën gjë thanë edhe për Trumpin, i cili me 77 vjet do ishte gjithashtu ndër liderët më të moshuar të SHBA. Pasi më shumë se gjysma e demokratëve mendojnë se Biden është shumë i moshuar, vetëm 1/3 mendojnë kështu për Tumpin.
Pesëdhjetë e nëntë për qind të anketuarëve që mendojnë të votojnë për Biden deklaruan se janë të motivuar kryesisht nga kundërshtimi që i bënë Trumpit, deri sa votuesit e Trumpit ishin më pozitiv ndaj kandidatit të tij dhe politikës që udhëheq, dhe vetëm 39 për qind e përshkruan votën e tyre si votë kundër Bidenit.
“Sentimenti Anti-Trump“ i ka ndihmuar Bidenit të fitoj ndaj Trump në zgjedhjet e vitit 2020, kur votuan dhe një numër rekord i qytetarëve.
Faktor tjetër që mund të ndikoj tek Trumpi theksohet se 55 e republikanëve deklaruan se ai duhet të dënohet me burg nëse shkel ligjin. Trump, i cili aktualisht po përballet me katër procese penale, në gjyq ka deklaruar se duhet të jetë imun për veprat e ndërmarra sa ishte president.
Dhe, është e vërtetë se shumica e republikanëve mendojnë se ai nuk është fajtor, vetëm një në pesë të anketuar mendon se Trump ka kërkuar mashtrim zgjedhor, që është dhe akuza kryesore kundër tij, dhe katër nga pesë të anketuarit janë shprehur se kundërshtarët e tij politik po keqpërdorin ligjin që ta pamundësojnë kandidaturën e tij presidenciale.
