Sorrat n’PD!
nga Agim Popoci
Krimi i organizuar, Treni bullgar, Fondet Publike, Patronazhistët, KQZ etj. ishin disa nga akuzat që Partia Demokratike vazhdon me fakte ti denoncoj duke konfirmuar ndikimin në rezultatin e zgjedhjeve të 11 Majit!
Këtë ndikim, jo të vogël, e kishin edhe ata që Edi Rama me partinë e tij, në prag të zgjedhjeve të vitit 2013, i quajti “oligark që i shërbejnë Saliut”, dhe me ardhjen e Partisë Socialiste në pushtet u ulën në prehrin e tij.
Këta oligark të sapolindur, ashtu si zogjtë e sorrës që kanë një aromë tërheqëse për krimbin, u kthyen në burim ushqimi për krimbat komunist, të cilët, si injorant që janë nuk e kuptuan se era e cila bëhet e dashur për krimbat vjen direkt nga sqepi i zogut gjë që i bën krimbat të shkojnë direkt në gojë. Falë kësaj injorance të Edi Ramës dhe komunistëve që ka nëpër këmbë, këta oligarkë u kamën edhe më shumë dhe ndërsa shtonin pasurinë dhe bëheshin edhe më të zi, arritën të kontrollojnë tokën, ujin dhe ajrin shqiptar deri sa shpërfaqën edhe rolin që kanë në përzgjedhjen e përfaqësuesve të popullit, sa ky ndikim shkoi deri në përplasje, të cilën as Samuel Huntigtoni nuk do t’i binte fije; Por ja që jetojmë në shtetin e Edi Ramës!
Për të kuptuar ndikimin e këtyre oligarkëve që tashmë nuk janë zogj sorrash dhe nuk përmenden me emër nga asnjëra palë, qoftë humbëse ose fituese, jo vetëm në zgjedhjet e 11 Majit, dhe rolin që kishin në blerjen e votës, mjafton, ajo që rusët thonë për sorrat, se sa më shumë të fërkohen dhe të lahen, ato më të zeza bëhen!
Askush nuk do bëhet pis për të fërkuar këto sorra për kuptuar se pse ndodhi përplasja mes Blerina Gjylametit dhe Olta Xhaçkës, sepse kemi të bëjmë me dy sorra të njohura tradicionale që mbështesin Erion Velinë përkatësisht Edi Ramën; Ose cila nga këto sorra i shkaktoi humbjen Dr.Ilir Alimehmetit, kur janë po ato sorra që kishin futur hundët në PD edhe në zgjedhjet e vitit 2021 e 2023!
Por, për kuptuar në thelb ndikimin e tyre që shkaktoi dhe batërdinë në nivel kombëtar në zgjedhjet e 11 Majit, mjafton të kuptohet ajo që ndodhi në Qarkun Kukës!
Nëse fërkojmë këto sorra në Qarkun Kukës, nuk na del vetëm ndikimi që kishin në zgjedhjet e 11 Majit në këtë qark aq shumë të varfëruar nga Edi Rama, por edhe përplasja e dy sorrave shumë të fuqishme në Shqipëri, vetëm për një mandat deputeti!
Kështu, të fërkosh shefin e tokës, ujit dhe ajrit shqiptar, Qet Kastratin, fillimisht na dalin ca sejmen të Qetit që blejnë vota për “demokratin” Alban Zeneli që garon nën bajrakun e partisë së Edi Ramës!
Ç’ne Qeti për Alban Zenelin kur e ka Flamur Nokën, do të thonë shumë nga ata kuksianë që në këtë qark kanë dëgjuar legjenda urbane mbi Flamurin me Qet Kastratin deri sa u anulua dhe protesta për traun në Rrugën e Kombit; Por, nëse e lanë pak Qetin, çuditërisht na del më i zi me Lul Bashën në prehër, familjarët e cilit transferojnë zyrat nga kulla e Bashkim Ulajt tek Hoteli i Qetit, lidhjet me Kunatin dhe taksën që vjelë ai nga Qeti, siç e akuzoi Partia Socialiste dhe nuk reagoi njeri!
Pse ishte aq prezent në “Euronews” gjatë fushatës zgjedhore me kandidatët e tij për të shajtë Saliun, natyrisht që vetëm Zotni Lafsha s’ka faj me euroatlantikët e tij! Por, çdo gjë ka përgjigje, ashtu si dhe përplasja e Qetit me Bashkimin, dhe ngadhënjimi i këtij të fundit me kandidatin Isuf Çelaj!
Shkëlqim Hoxha ndoshta do ta mendoj edhe për shumë kohë humbjen dhe asryet pse erdhi, pasi fitoren reale e kishte futur në xhep, por edhe fërkimi i Bashkimit të çon tek e njëjta portë!
Të kesh kundër televizionet e Qetit dhe Bashkimit, “Euronews” dhe “A2”, është kompliment, në veçanti në fushatë zgjedhore, por të kesh kundër Qet Kastratin dhe Bashkim Ulajn, është lumturi edhe nëse nuk e ke fituar mandatin e deputetit në shtetin e Edi Ramës!
Dhe, qetësinë e fiton pas një fërkimi të lehtë kur të shfaqet krimineli komunist Ramiz Alia i vitit 1983 me vizitën e tij në këtë qark, jo me dokumentarin “Besa-Besë” por me ata që ka në krah! Aty ku nuk janë njerëzit e Qetit janë të Albanit, dhe ndërsa ai vazhdoi rrugëtimin drejt Tropojës, aty ku nuk janë njerëzit e Qetit dhe Albanit, shfaqen të Bashkimit!
Janë shumë rastësi për të lodhur trurin për një mandat dhe nëse kanë lidhje me kontrabandistët e naftës drejt Qafës Prushit në kohën e pushtetit të PD, ndërkohë përgjigjen ta jep vetë Edi Rama me momentet që e përdor!
Mjafton fërkimi dhe na del një Qet spiun serb në kohën e Austro-Hungarisë i cili ka bërë shumë të këqija në Gjakovë, kurse gjatë shëtitjes së tij kah Shala, Shoshi, Nikaj-Mërturi kishte shpërnda para të konsiderueshme për ta çuar në këmbë popullin kundër qeverisë së Tiranës, që të ndihmojë kryengritësit e Mirditës.
Bëmat e tij, u mendua se kishin fundin pas disa denoncimeve dhe dërgimit të tij në burgun e Pejës, por një telegram i Kryetarit të Komitetit në fjalë, gjeneralit malazez Mitro Mitrinoviç, e liroi atë nga burgu dhe u la i lirë nën urdhrat e tij.
A ka lidhje me Qetin e Edi Ramës, një Zot e dinë, por dokumentet flasin për pushtet të ngjashëm, ndërsa sjellja – për njerëz të një fisi, për të cilët ka kush lodhet se kë duhet të kontrollojnë, tokën, ujin ose ajrin!
Për rivalin e Qetit në Kukës, janë hedhur miliona dyshime mbi bizneset e tij dhe të kaluarën e dyshimtë, madje dhe apartament të falur për familjen Berisha, por të gjitha kanë ndodhur para se Edi Rama të ulej në fronin e Kryeministrit! Sot, kur fillon fërkimin e kësaj sorre, të del Kryeministri Rama duke u futur në 9:00 të darkës në apartamentin e tij, në kullën ku Saliu dhe Zotni Lafsha akuzoheshin se kanë Zyra, dhe, ndërsa kërkon përgjigje dhe vazhdon fërkimin e kësaj sorre, pas 12 orësh është Edi Rama që ditën pasardhëse del nga apartamenti i Bashkimit në 9 të mëngjesit!
Nuk beson njeri se duhen 12 orë për të sqaruar akuzat që i shpiknin mediat nën kontrollin e Ramës për paratë e tij, ose rrugëtimin deri sa u pagëzua “Oligark”, ndërsa akuzat për lidhjet me Sigurimin e Shtetit shqiptarët nuk do ti shohin për sa kohë, Bashkim Ulaj do të jetë sorrë e Kryeministrit, Edi Rama do jetë Kryeministër, dhe Partia Demokratike nuk do të heqë dorë publikisht nga kjo sorrë që do të nxihet edhe më shumë nëse vazhdon fërkimi, e mos të flasim për larje në këto ditë të nxehta vere!
Pse kishin nevojë të përplasen Qeti dhe Bashkimi në Kukës për një mandat, kur kjo nuk ka ndodhë as për koncesionin e Rrugës Kombit, as për atë Thuman-Kashar, as për kompanitë fantazmë me të cilat këta persona enigmatik merrnin tendera, as për Portin e Durrësit, madje as për Aeroportin e Kukësit i cili sot është njëra ndër pikat kryesore të ligjërimit të mallit me akcizë i cili është kontrabanduar, sot, këtë nuk e dinë pronarët e aeroporteve, porteve dhe autostradave shqiptare, këtë nuk e dinë as Edi Rama, ama nëse vazhdon ti fërkosh këto dy sorra, përveç se nxihen më shumë, qafa u lëviz nga Beogradi!
Oligarku i tretë që Edi Rama e kishte dhe e ka për zemër është Samir Mane, që këtë vit përfundoi edhe në listën Forbes si shqiptari më i pasur!
Pse Forbes na tha se Samir Mane i ka 1.4 miliardë dollarë nuk u trondit njeri sepse kishin dëgjuar dhe lexuar gjëra shumë më të frikshme për këtë njeri, por kur të nesërmen e kësaj “arritjeje” Forbes Serbia sqaroi se më vitin 1991 ishte arratisur duke ikur nga regjimi komunist, dhe se rrugëtimin e tij drejt Perëndimit për tu bërë “i pasur” e nisi nga Beogradi, gjithçka ishte e qartë!
Të fërkosh sot këtë sorrë që kurrë nuk u skuq ama për tu nxirë do nxihet gjithmonë sa të ketë jetë, që iku nga regjimi komunist kur ai po binte, na del një biznesmen që pasi hapi QTU-në në Tiranë e mbushi plotë thashetheme Shqipërinë, por në momentin kur këtë qendër me rrjetin e supermarketeve Euromax që ishte shtrirë në gjithë vendin, ia shiti bashkëpunëtorit më të ngusht të kriminelit serb Slobodan Milosheviç, Miroslav Mishkoviç, gjithçka ishte e qartë!
Më nuk pyeste njeri pse janë kompani të njëjta si ato në qendrën Delta të Mishkoviçit në Podgoricë ashtu dhe në QTU në Tiranë, pse heshti Autoriteti i Konkurrencës kur u bë kjo shitje nga Samir Mane një serbi të dyshimtë edhe në atdheun e tij, Serbi, dhe në fund, pse Drejtoria e Pastrimit të Parave heshtë kur “rastësisht” si Mirsolav Mishkoviç ashtu dhe Samir Mane, kishin bërë transaksionet me llogaritë bankare që kishin në Kanada!
Nëse e fërkon vetëm edhe pak, shfaqet pas një viti që Sami Mane i blenë po këtë QTU, Miroslav Mishkoviçit me të njëjtin çmim, në të njëjtat llogari bankare dhe të shoqëruara me të njëjtën heshtje!
Propaganda e Edi Ramës nuk do të heshtë duke bërë opozitarin dhe duke vazhduar me akuzat për mikun e Xenit të Saliut, as me ndërtimin e TEG-ut as lejen për ndërtimin e mbikalimit deri te kjo qendër tregtare!
Por, ulja e Edi Ramës në fronin e Kryeministrit i mbylli gojën gjithë kësaj lukunie, për gjithçka që e kishte akuzuar Samir Manen për tetë vjet, por jo dhe për faktin që nga fërkimi i vogël i kësaj sorre del se iku nga Shqipëria kur regjimi komunist po binte, dhe erdhi e hapi biznes në vitin 2005, kur regjimi komunist po binte!
Pavarësisht rrëfimit të tij se e kishte filluar biznesin në Austri me 200 kasetofona dhe nuk përmendi detajin e Forbes se fillimisht kishte shkuar në Beograd, fërkimi i kësaj sorre na nxjerr një person që nuk e akuzonte më si njeri të Xenit, por që mbështeste në fushata zgjedhore të gjithë ata deputetë që i caktonte Edi Rama, edhe nëse quhet, Monika Kryemadhi!
Gjithë këtë pisllëk shoqëror, kjo sorrë u mundua ta shlyej me filantropi duke u treguar dhe human, por i gjithë ky angazhim bëhet nul kur ai shfaqet me rrëfimin e tij në televizionin kombëtare që ishte shumë më pis se vetë lumi i Lanës!
Kontributi i tij për disa deputetë të PD, portalet dhe blerja e televizionit ABC News, nuk arritën të mbulojnë bëmat e tij me Edi Ramën duke filluar me realizimin e projektit të mbikalimit tek TEG-u për të vazhduar me blerjen e gjithçkaje që i kapte syri, nga kromi deri te bregdeti shqiptar, aty ku tunelin dhe ujin i çoj Rama, gjë që nuk e kishte bërë për asnjë nga ata hajvanët e Kuçit që edhe sot mburren që jetojn në Zonën e Parë Operative dhe as këmbët nuk mund ti lagin në Green Coast Resort!
Fërkimi i kësaj sorre nxjerr një Saimir Mane që i shet televizionin të ngjashmit, Klodian Allajbeut i cili do vazhdoj këtë lojë, duke e shitur tek miku i radhës së Edi Ramës, Shkëlqim Devollit!
Sa mund të zbehte Samir Mane të kaluarën e tij të pistë me Edi Ramën duke mbështetur kandidatin e PD në zgjedhjet e fundit lokale, tregoi strategjia e Kryeministrit që kishte përgatitur për dhëndrin e partisë, strategji e cila tregoi se Partia Demokratike nuk kishte dhe nuk do të ketë kurrë nevojë për një sorrë të këtij lloji, e cila sa më shumë që fërkohet bëhet edhe më zezë!
Ndërkohë, ky realitet nuk tregon se janë vetëm këta oligark të anatemuar nga opozitari Edi Rama që u bënë qelibar në shtetin ku Rama është Kryeministër; Sepse, sa ma shumë ta fërkosh Edi Ramën dalin ca si Vasil Naço, Armand Duka, Avni Ponari, Tan Dulaku, Klodian Allajbeu, Agron Çela, Shkëlqim Devolli etj. që sqepin e kanë futur në Parlamentin e Shqipërisë, ama kokën vazhdojnë t’a mbajnë nga Beogradi!
