Sot 1 Maji, mësuesit në protestë: Nuk ka arsim cilësor pa paga dinjitoze!

Sot më 1 Maj në ditën ndërkombëtare të punëtorëve, mësuesit e Shqipërisë filluan protestën e tyre në qendër të Tiranës duke kërkuar paga më të lartë dhe kushte më të mira pune.

Më pas, me mesazhe të qarta për këtë qeveri e cila nga dita e parë shpërfilli Arsimin, “Nuk ka arsim cilësor pa arsim të mirëpaguar”, “Shpërblim në fund të vitit për mësuesit”, “Ta bëjmë më tërheqës profesionin e mësuesit”, mësuesit marshuan drej Ministrisë së Arsimit.

“Kërkesa jonë kryesore është që qeveria të marrë masa urgjente për të përmirësuar gjendjen e arsimit në Shqipëri. Ne, Sindikatat e Arsimit kemi kërkuar në të gjitha takimet qe kemi bërë që pa një buxhet 5 % të GDP për arsimin, nuk mund të ketë arsim cilësor në Shqipëri pa mësues të mirëpaguar,” tha përfaqësuesi i Sindikatës duke shtuar se qeveria duhet të marrë masa urgjente për të përmirësuar gjendjen e arsimit në Shqipëri ndërsa alarmoi dhe për pasoja nëse profesioni i mësuesit nuk ka pagë dinjitoze.

“Nëse nuk ka paga dinjitoze atëherë profesioni i mësuesit nuk do të jetë profesion i kërkuar nga të rinjtë. Ata që shkojnë në degën e mësuesisë janë ata me nota më të ulta.”

Ndryshe, 1 Maji njihet si dita ndërkombëtare të punëtorëve. Fillesat i ka në Çikago në 1886, kur sindikatat e punonjësve demostruan në mënyrë duke kërkuar vendosjen e ditës së punës 8 orë.