Sot festohet Krishtlindja
Besimtarët e krishterë sot kremtojnë Krishtlindjen, një prej datave më të rëndësishme të kalendarit të tyre fetar. Duke drejtuar meshën e Krishtlindjes në Katedralen e Shën Palit në Tiranë, Arqipeshkvi Metropolit i Tiranë-Durrësit, Imzot George Frendo tha se festës së Krishtlindjes nuk i shuhet shkëlqimi, edhe pse jemi në kohë pandemie.
Në vigjilje të Krishtlindjes, Imzot George Frendo, mesazhin e tij e nis me fjalët te Shën Nënë Terezës:
“Krishtlindja është çdo herë që ti e lejon Hyjin të dojë të tjerët nëpërmjet teje!” thekson Imzot George Frendo duke kujtuar se Krishtlindja është misteri i madh i dashurisë shumë bujare të Hyjit për njeriun.
“Mendo pak për mënyra të ndryshme si ti mund të tregosh një dashuri më bujare ndaj të afërmit tënd. Fute dorën në xhep, nxirr lekë sa të mundesh, jepua të varfërve. Edhe ata kanë të drejtë për pak gëzim. Në këtë mënyrë të siguroj se do të bëhesh më i pasur sesa ke qenë më parë, sepse ke fituar një thesar në qiell,” thekson Imzot George Frendo duke ftuar besimtarët katolikë të mendojnë për ndonjë person që, në këtë kohë aq të veçantë, ka nevojë që ti ta ndash gëzimin tënd më të?
A mund të bëhesh për të postier apo postiere gëzimi, dukë i dhuruar buzëqeshjen tënde, dashurinë tënde, e ndoshta edhe ndonjë dhuratë të vogël? A ka, afër shtëpisë sate, një plak osë një çift pleqsh që banojnë vetëm e nuk kanë pasur asnjëri për t’i uruar:
“Gëzuar Krishtlindjen”?
Ndryshe, këto janë Krishtlindjet e dyta që kremtohen nën masa të rrepta për parandalimin e pandemisë COVID-19.
Ndërsa në Prishtinë, meshën solemne të Krishtlindjes në Katedralen “Shën Nënë Tereza” e ka drejtuar Ipeshkvi i Kosovës, Dodë Gjergji. Ipeshkvi Dodë Gjergji tha se Krishtlindjet janë festa e gëzimit dhe haresë dhe me Krishtin mund të jetojmë me shpresën që nuk na zhgënjen kurrë.Gjergji: Frika, pasiguria dhe zhgënjimi, si një virus po na bren përbrenda.
Në meshën solemne për Krishtlindjen, Ipeshkvi Dodë Gjergji, tha se duhet ta duam vendin tonë, jetën dhe të ardhmen, pasi frika, pasiguria dhe zhgënjimi, si një virus po na bren përbrenda, derisa ka kritikuar deputetët që siç tha për turpin e tyre dhe për të fyer të gjithë, miratuan sonte ligjin për abortin.
“Në vendin tonë, në zemrat e shumë njerëzve dyshimi, dëshpërimi dhe pashpresia kanë krijuar një hapësirë të madhe boshllëku, ku frika, pasiguria dhe zhgënjimi, si një virus po na breng përbrenda. Si pasojë të rinjtë tanë shohin të ardhmen e tyre diku tjetër ku duan të sigurojnë jetën më të mirë për vete dhe të gjejnë një të ardhme më të mirë për fëmijët e tyre. Në familjet tona ka përditë e më pak dashuri, harmoni dhe mirëkuptim sepse vendin e tyre e ka zënë mosmarrëveshja, dyshimi dhe keqkuptimi. Që është më e tmerrshmja divorcimi është bërë zgjidhje e besnikëria martesore problem. Mjerisht edhe vendimet fatale të individëve që bëjnë vrasje ose vetëvrasje. Në këtë situatë nuk është e mundur që mos të pyesim veten si është e mundur që kur nuk ishim e kur nuk kishim nuk na mungonte shpresa, feja dhe dashuria. Kurse, tani kur jemi dhe kur kemi ndoshta jo të gjitha të mirat që na duhen, por të gjitha gjërat që na mungonin dikur jemi mbet pa shpresë, pa lumturi dhe nuk po dimë t’i gëzojmë të mirat të arritura me mund të gjeneratave“, tha Gjergji, duke shtuar se përgjigjet e dhëna nuk e kanë mbushur zbrazëtirën që kanë lënë pashpresia për vetën dhe në zemrat tona.
“Dikush mendon që është politika ajo që na ka vjedhur të ardhmen dhe na ka lënë pa shpresë, do të tjerë vazhdojnë të këmbëngulin që është Qeveria që nuk arrin t’i kryen përgjegjësitë e veta, pastaj do të tjerë fajin ia lënë Evropës që na mban të izoluar pa viza dhe me yll në ballë sikur do t’i thoshte populli i fusnotës, pastaj janë edhe ata që thonë se nëse ka pas dikur profiter lufte, sot nuk mungojnë profiterët e shpresës….nuk janë të paktë edhe ata që na paaftësia për të parë rrugët e reja të prosperitetit e lidhin shpresën me shpirtin lakmiçar, laraman ose vetëmohues, duke na servirur kthimin në të kaluarën sikur ajo neotomane, që nxisin akoma ndonjë nostalgji për komonizimin ose ofrojnë një neo-jugosllavizëm si rrugë që duhet ndjekur. Sigurisht nuk mungojnë edhe ata që nëpërmjet ekstremizmit fetar duan të na tjetërsojnë. Hiq më pak janë ata të cilët nëpërmjet liberalizmit ekstrem promovojnë shthurjen e sistemit të vlerave humane, morale, familjare dhe fetare, duke na sugjeruar drejt hiqit të pakuptimtë.“
Për këta të fundit, tha ai, propozojnë të mos njohim fe dhe të mos themi nënë, babë, krishtlindje, dhe për turpin e tyre dhe për të fyer ndoshta të gjithë neve, parlamenti sot miratoi ligjin për abortin“Që është edhe më e trishtueshme, miratojnë ndërprerjen e jetës së fëmijëve të palindur dhe këtë akt e quajnë të drejt. Por lere që e quajnë të drejt por për turpin e tyre dhe për të fyer ndoshta edhe të gjithë neve, parlamenti ynë e gjeti bash sonte që ta miratonte ligjin për abortin, megjithatë ne nuk e humbim shpresën tonë dhe këmbëngulim që të jemi ata të cilët besojnë dhe shpresojnë dhe që i binden fesë, që e duan jetën.“
Në fund, Ipeshkvi i Kosovës, Dodë Gjergji, tha se duhet ta duam vendin tonë, ta duam jetën dhe të ardhmen tonë.
“Të gjithë ne zëmërthyerit të gjejmë mishërimin dhe të rrisim shpresën, pasi ne jemi njerëz të kësaj kohe, ne jemi njerëz të këtij vendi. Le ta duam vendin tonë, le ta duam jetën tonë, le ta duam të ardhmen tonë dhe mos të mos hezitojmë për të sakrifikuar sepse vetëm frikacakët ikin nga realiteti. Trimat përballen me realitetin e vet, si dhe realitetin e vendit të tyre.”
Ndërkohë në Katedralen “Ngjallja e Krishtit” në Tiranë u zhvillua mesha solemne nën drejtimin e kryepeshkopit Anastas Janullatos.
Edhe këtë vit, në këtë ditë të shënuar shprese dhe besimi, numri i besimtarëve në Katedrale është i kufizuar për shkak të masave për parandalimin e COVID-19.
Nga rrezet e shumta të Diellit të Drejtësisë, dy janë veçanërisht aktuale për kohën tonë: qëndresa paqësore e personave kryesorë në rrëfimin biblik për Lindjen dhe thelbi i kuptimit të Krishtlindjes, thekson Kryepeshkopi i Tiranës, Durrësit dhe i Gjithë Shqipërisë, Anastas Janullatos, në mesazhin e tij për Krishtlindje 2021 duke shtuar se e kremtja e ndritshme e Krishtlindjes përcakton themelin e kësaj qëndrese, ajo forcon sigurinë, se me ardhjen e Shpëtimtarit nuk jemi vetëm, se Biri dhe Fjala e Perëndisë erdhi për të qëndruar me ne.
“Kuptimin e së kremtes na e japin të përmbledhur dy thënie themelore të Etërve: “Sepse ai u bë njeri, që ne të hyjnizohemi”, thekson shën Athanasi i Madh, ndërsa shën Vasili i Madh nënvizon se Biri i Perëndisë erdhi në tokë, “për ta risjellë të gjithë njerëzimin te Vetja.”
Për të gjithë ne që besojmë, nuk mjafton të ndiejmë se nuk jemi vetëm, shprehetKryepeshkopi i Tiranës, Durrësit dhe i Gjithë Shqipërisë, duhet edhe të përkujdesemi që prania hyjnore të jetë e prekshme në mjedisin tonë, me fjalën, veprat dhe dëshminë e jetës sonë:
“Vëllezër dhe motra, dhurata më e bukur e Krishtlindjes për ne dhe për të tjerët rreth nesh, është të forcojmë besimin se Perëndia i së vërtetës, i dashurisë dhe i fuqisë është bashkë me ne. Biri dhe Fjala e Mishëruar e Perëndisë le të udhëheqë mendimet dhe veprimet tona, që të përballojmë me qëndresë paqësore problemet e vogla dhe të mëdha të jetës sonë,” thekson Kryepeshkopi i Tiranës, Durrësit dhe i Gjithë Shqipërisë, Anastas Janullatos në mesazhin e tij për Krishtlindje 2021 duke përfunduar:
“Gëzuar Krishtlindjen dhe Vitin e Ri, me shëndet të palëkundur dhe ndjesinë e pareshtur të pranisë së Tij.”
Nga rrezet e shumta të Diellit të Drejtësisë, dy janë veçanërisht aktuale për kohën tonë: qëndresa paqësore e personave kryesorë në rrëfimin biblik për Lindjen dhe thelbi i kuptimit të Krishtlindjes, thekson Kryepeshkopi i Tiranës, Durrësit dhe i Gjithë Shqipërisë, Anastas Janullatos, në mesazhin e tij për Krishtlindje 2021 duke shtuar se e kremtja e ndritshme e Krishtlindjes përcakton themelin e kësaj qëndrese, ajo forcon sigurinë, se me ardhjen e Shpëtimtarit nuk jemi vetëm, se Biri dhe Fjala e Perëndisë erdhi për të qëndruar me ne.
“Kuptimin e së kremtes na e japin të përmbledhur dy thënie themelore të Etërve: “Sepse ai u bë njeri, që ne të hyjnizohemi”, thekson shën Athanasi i Madh, ndërsa shën Vasili i Madh nënvizon se Biri i Perëndisë erdhi në tokë, “për ta risjellë të gjithë njerëzimin te Vetja.”
Për të gjithë ne që besojmë, nuk mjafton të ndiejmë se nuk jemi vetëm, shprehetKryepeshkopi i Tiranës, Durrësit dhe i Gjithë Shqipërisë, duhet edhe të përkujdesemi që prania hyjnore të jetë e prekshme në mjedisin tonë, me fjalën, veprat dhe dëshminë e jetës sonë:
“Vëllezër dhe motra, dhurata më e bukur e Krishtlindjes për ne dhe për të tjerët rreth nesh, është të forcojmë besimin se Perëndia i së vërtetës, i dashurisë dhe i fuqisë është bashkë me ne. Biri dhe Fjala e Mishëruar e Perëndisë le të udhëheqë mendimet dhe veprimet tona, që të përballojmë me qëndresë paqësore problemet e vogla dhe të mëdha të jetës sonë,” thekson Kryepeshkopi i Tiranës, Durrësit dhe i Gjithë Shqipërisë, Anastas Janullatos në mesazhin e tij për Krishtlindje 2021 duke përfunduar:
“Gëzuar Krishtlindjen dhe Vitin e Ri, me shëndet të palëkundur dhe ndjesinë e pareshtur të pranisë së Tij.”
