Sot homazhe për Azem Hajdarin

Në përkujtim të 25 vjetorit të rënies së Heroit të Demokracisë Azem Hajdari, sot Partia Demokratike organizon një Ceremoni përkujtimore me pjesëmarrjen e Kryetarit të PD, Sali Berisha dhe Grupimin Dhjetor ‘90.

Axhenda e aktiviteteve të Partisë Demokratike sot në përkujtimin e Heroit të Demokracisë Azem Hajdari:

10:00 Homazhet pranë Varrezave të Dëshmorëve

12:30 Homazhe tek Memoriali i Azem Hajdarit, rruga Abdi Toptani (ish-selia e Partisë Demokratike.)

Ndërkohë Grupimi “Dhjetor ’90” ka bërë të ditur se në orën 11:00 organizon homazhe edhe pranë memorialit tek Qytet Studenti dhe në orën 12:00 një marshim.

Ndërsa në orën 20:30 miqtë më të ngushtë të Azem Hajdarit bëjnë homazhe tek Memoriali, aty ku u ekzekutua Heroi i Demokracisë, dhe shqiptarët mbetën pa udhërrëfyesin e tyre për ndërtimin e një Shqipërie të lirës dhe demokratike!