Sot në Austri zgjedhje të jashtëzakonshme

Në Austri sot mbahen zgjedhjet e jashtëzakonshme, pas koalicioni qeverisës u rrëzua në muajin maj, kur u publikua një skandali i korrupsionit.

Sipas sondazheve, Partia Popullore e ish-kancelarit, Sebastian Kurz do të dalë e para në këto zgjedhje, raporton RFE por do t’i duhet të bëjë koalicion me një parti tjetër.

Partia Socialdemokrate, Partia për Lirinë e ekstremit të djathtë, Të Gjelbrit dhe liberalët po ashtu garojnë në këto zgjedhje.

Vendvotimet u hapën në orën 7:00 dhe votimet pritet të përfundojnë në ora 17:00.

Ndryshe, zgjedhjet në Austri vijnë pas publikimit të një video-inçizimi, ku shfaqej zëvendëskancelari i shtetit, Heinz-Christian Strache, duke i ofruar kontrata qeveritare një gruaje, e cila thotë se është një investitore nga Rusia, në këmbim të donacioneve politike.

Heinz-Christian Strache më pas dha dorëheqje dhe pranoi se sjellja e tij ishte e papërgjegjshme.