Sot, Opozita në Protestë!

Sot Opozita Shqiptare proteston para Kryeministrisë në orën 17:00 ndërkohë patronazhistët, mbështetësit e Edi Ramës dhe të gjithë ata që sponsorizohen që ta luajnë rolin e Opozitës duke rrufitur kafenë edhe sot do të angazhohen në rrjetet sociale për përdhosur liderin demokrat Sali Berisha, me gjithë arsenalin që do t’ju pjellë mendja nga soditja e pamjeve dhe lajmeve që do të transmetojnë mediat e hoxhistëve, carlove dhe dormeistëve birraxhi të batonëve e buzhalëve.

Ndërkohë Edi Rama që sa herë që i jepet rasti përbuzë Kryetarin e Partisë Demokratike, Sali Berisha, me argumentin kryesor se nuk ka mbështetës, nuk është e qartë se pse e ka ngritë shtetin në këmbë, dhe, si kurrë më parë, që mbrëmë nga ora 23:45 ka bllokuar akset kryesore të kryeqytetit.

Nëse Sigurimi i tij i Shtetit thotë se ka informacione për dhunë, atëherë Partia Demokratike duhet të mobilizohet që të mbrohet nga infiltrimi i llumit komunist për të nxitur dhunë, që nuk ndodhë për herë parë, meqë dje lideri i opozitës Sali Berisha e bëri të qartë dje se dhuna nuk është mjeti i Opozitës për të ardhur në pushtet.

Nëse Edi Rama me lojërat e Sigurimit të Shtetit do të fus frikën ndër qytetarë për të mos marrë pjesë në protestë, as kjo nuk është hera e parë, kështu ka vepruar nga viti 1997 deri në vitin 2005, kur qytetarët e kuptuan se kjo parti komuniste e drejtuar nga llumi shqiptar duhet të largohet nga pushteti!

Gjithësesi, të gjithë ata që e kanë konsideruar të papranueshme drejtimin e shtetit nga një njeri që dështoi në qeverisjen e kryeqytetit, sot do të jenë në shesh për të protestuar përkundër propagandës së Edi Ramës dhe atyre që i paguan, nga avokat Shabani deri te demokrati i Yurit, Zotni Lafsha, sepse arsyeja është shumë më e madhe se në vitin 2005!

Në shesh, arsye madhore kanë që të jenë të gjithë qytetarët e Shqipërisë janë vjedhur nga kjo kastë kriminale e vjedhur me projekte kriminale si Inceneratorët, Tuneli Llogarasë, Erion Veliaj, AKSHI etj.

Në shesh, arsye madhore kanë që të jenë dhe ata të përndjekur politik që nuk e kanë shitur gjakun e të parëve për një vend pune dhe në pushtet janë ata që i përdhunuan për 80 vjet, dhe, si përpara ashtu edhe sot nuk dalin për Saliun por për atdheun e tyre, Shqipërinë!

Në shesh, pritet të jenë edhe pronarët që sot shohin se si ata që u kanë plaçkitur tokat sot vazhdojnë plaçkitjen, dhe kompensohen vetëm patronazhistët.

Në shesh, arsye madhore kanë që të jenë edhe të gjithë ata që u mashtruan për SHENDETESINE FALAS dhe sot paguajnë për DIALIZEN që e kishin FALAS në kohën e Saliut, nuk u kishte thënë njeri se nuk do të bëhen operacion për shkak të STERILIZIMIT, ashtu si dhe për, NEUROKIRURGJINE që ishte e popullit dhe bëhej çdo ndërhyrje në kokë dhe në shtyllën kurrizore, si dhe për NEFROLOGJI ku u arrit të bëhet edhe TRANSPLANTI i VESHKES, dhe, sot u duhet ta paguajnë Alljabeun te Spitalit Amerikan!

Në shesh, arsye madhore kanë që të jenë edhe të gjithë qytetarët e Shkodrës, Lezhës, Kukësit, Hasit e Tropojës që po shohin investime të çuditshme të Edi Ramës edhe si tunele vetëm për Samir Manen, dhe nuk shohin të lidhet me rrugë normale Miloti me Lezhën ose Miloti me Tiranën, e lëre më Lezha me Shkodrën që ky pushtet nuk po e çon as nëpër mend; Edhe atë copë rruge që e shitën si fjala e fundit e ndërtimit nga Shëngjini në Velipojë, një rrebesh shiu i disa minutave i degjeneroi propagandën panoramike nga fevzot deri te buzhalët

Por, në shesh nuk kanë arsye të mungojnë dhe të gjithë korçarët dhe dibranët që u lumturuan për ca muaj pë Rrugën e Arbrit dhe atë Qukës–Qafë Plloçë që kurrë nuk u bënë as Rrugë as ndihmë për qytetarët e Pogradecit, Korçës, dhe Dibrës që në mas të madhe e votuan këtë mashtrues patologjik!

Në shesh nuk kanë arsye të mungojnë as të gjithë gjithë qytetarët e Zonës së Parë Operative që as sot pas 13 viteve ata nuk kanë ujin e premtuar nga Edi Rama për 24 orë, ndërkohë Tubi Plak e i përrallshëm shkon mes për mes Labërisë deri në Resortin e Samir Manes, pa u mëshiruar me asnjë pikë për banorët e zonës!

Në shesh, arsye madhore kanë që të jenë edhe të gjithë qytetarët që i besuan Reformës në Drejtësi të Edi Ramës, si ata Gjyqtarë e Prokurorë që pësuan dhe i flakën në rrugë, ashtu dhe ata që sot paguajnë shumë më shumë për hallet që kanë me drejtësinë, dhe të gjithë të tjerët që shohin se kjo drejtësi i arreston zyrtarë dhe ministra për qindra miliona euro dhe deri më nuk shohin se u është konfirkuar qoftë dhe një lekë nga trafiku i drogës, bauzimi me tendera e deri tek Tuneli i Llogarasë, ku vjedhja është flagrante në ditën për diell!

Në fund, në shesh do të jenë padyshim të gjithë tironsit që Edi Rama nuk i bleu dot dhe i qëndruan besnik ADN-së së tyre të fisnikërisë së kombit shqiptarë, por, sot, nuk kanë arsye të mungojnë dhe të gjithë trashëgimtarët e familjeve tironse që u mashtruan nga ky njeri që për mik ka vetëm kriminelët dhe trafikantët e drogës, dhe, pranuan ti bashkohen Administratës kriminale të Ramës; Por, gjaku nuk është ujë, dhe, shumë shpejtë e kuptuan se cilës botë i takojnë dhe është trashëgimiai ajo që nuk u lejon për një copë bukë ta bëjnë patronazhistin!

Sepse, thjeshtë, sot, ai që është në shesh për të protestuar, është SHQIPTAR të cilit i ka mbetë edhe PAK DINJITET pas 80 vjet të PUSHTIMIT KOMUNIST!

Njoftim

Përfaqësues të subjektit politik Partia Demokratike e Shqipërisë kanë njoftuar Policinë e Tiranës, për zhvillimin e një tubimi ditën e nesërme, i cili nis në orën 17:00 para Kryeministrisë.

Në bazë dhe në zbatimit të ligjit “Për tubimet”, Policia e Tiranës ka ndërmarrë të gjitha masat për garantimin e rendit publik, zbatimin e të drejtave dhe lirive të qytetarëve dhe të pjesëmarrësve në tubime, si dhe mbrojtjen e pronës publike dhe private.

Në zbatim të këtyre masave, me qëllim garantimin e mbarëvajtjes së tubimit, ditën e sotme dhe të nesërme do të kufizohet lëvizja në disa akse/segmente rrugore, konkretisht:

-Nga ora 23:45, të ditës së sotme, do të bllokohet lëvizja dhe nuk do të lejohet parkimi i automjeteve deri në përfundim të tubimit në bulevardin ”Dëshmorët e Kombit”, nga vendi i quajtur “Ura e Dajtit” deri në rrugën “Ismail Qemali”,

-Nga ora 15:00 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Në rast bllokimi, për të ndihmuar qytetarët që do të qarkullojnë në këto akse, Policia e Tiranës ka marrë masa për të devijuar qarkullimin e automjeteve në rrugë alternative.

Policia e Tiranës apelon për qytetarët që të shmangin lëvizjen me automjete në akset rrugore që do të bllokohen dhe të përdorin rrugë alternative, për të mos penguar lëvizjen e lirë të pjesëmarrësve në tubim.

Duke marrë shkas nga disa deklarata publike, i bejmë thirrje qytetarëve që të distancohen në rast se gjenden përballë veprimeve të kunderligjshme që cënojnë rendin dhe sigurinë publike.