SPAK kërkon dënimin për trafik droge për ish-ministrin Saimir Tahiri, rekurs në Gjykatën e Lartë
Ndërkohë që Ish-Ministri i Brendshëm Saimir Tahiri vuan dënimin për shpërdorim detyre me 3 vjet e 4 muaj burg, SPAK ka bërë rekurs në Gjykatën e Lartë për këtë vendim.
Prokuroria e Posaçme kërkon përmes rekursit cilësimin e veprës “Trafikim në kuadër grupit strukturuar”, duke kundërshtuar dënimin për shpërdorim detyre. SPAK i kërkon Gjykatës së Lartë kthimin për rigjykim në Apel të çështjes me një trupë të re gjyqtarësh.
Kjo masë përfshin edhe ish-drejtorin e Policisë së Vlorës, Jaeld Çelën.
Ndryshe, Gjykata e Apelit Kundër Krimit të Organizuar dhe Korrupsionit, GJKKO ka dënuar Saimir Tahirin me 5 vjet burg, dhe për shkak të gjykimit të shkurtuar do të dënohet 3 vite e 4 muaj burg. Prokuroria e Posaçme Kundër Korrupsionit kërkoi dënimin me 12 vite burg për akuzat, “Shpërdorim detyre”, “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”.
