SPAK para Portës së Ferrit! Vetëm Lali Eri arreston Lali Erin!

Të gjithë ata shqiptarë që kishin parë policët e Erion Veliajt se si shkelmojnë majdanoz e lule lakër pa fund për të vendosur rend dhe ligj me katundarët e Tiranës në Kryeqytet, kur panë oficerët e BKH që po prisnin tek shkallët e banesës së Lali Erit, përkundër sforcimit të mediave në shërbim të Kryeministrit Edi Rama për ta përdhosur këtë realitet me vringëllimën e prangave, e kishin të qartë se ishin në pritje të lejes nga po këta policë bashkiak të zbatojnë urdhrin e SPAK që ishte firmosur nga GJKKO!

Të dashuruarit e Alex Sorosit dhe Reformës në Drejtësi mund ta kenë të vështirë të besojnë faktin se si institucionet si SPAK e GJKKO, që siç tha shefi i Lali Erit, ishin krijuar nga Partia Socialiste, marrin leje nga policia e Lalit, por, janë po këta romantikë drejtësie dhe shoqërie të hapur që e besuan rrëfimin se ishte Erion Veliaj ai i cili e çoi në burg rivalin e tij politik dhe njeriun e dytë më të fuqishëm në PS dhe Shqipëri, Saimir Tahiri; Dhe, shushuritin gjatë këtyre ditëve nëpër kafenetë e kuqe se Belinda Balluku po i bënë gropën Lali Erit!   

Pra, gjërat nuk janë dhe aq të thjeshta, jo vetëm pse Lali Eri po tallej nga Hamburgu ku po qëndronte në vizitë zyrtare e po lozte nën vringëllimën e prangave të Altin Dumanit, dhe, Belinda Balluku nuk i bënë dot gropën Lali Erit si konkurrentit të vetëm që ka për të marrë partinë!

Oficerët e BKH nuk ishin para Portës së Ferrit në shkretëtirën Karakum në Turkmenistan, as asaj të librave të shenjtë, por as para Portës së Ferrit që ndërtuan socialistët ku Belinda e vetme nuk e hap dot; Dhe, ndonëse ishin para Portës së vetëm një aneksi të këtij Ferri socialistë, Tiranës, dhe BKH nuk e hapi dot, është e qartë se vetëm hapja e gojës së të zotit të këtij Aneksi, rrënon një Perandori të tërë e cila u krijua për 12 vjet nga krimi me pushtet, pjesë e të cilit ishte vetë Belinda me motrën dhe shefin e saj!

Dhe, Lali Eri nuk është Saimir Tahiri, ai nuk ka miq as në Shqipëri as nëpër botë, madje nuk ka as Maks që i sjell cigare nëse bie në burg! Ai nuk gabon sepse është i qartë, nuk është vetë Ali e vetë Kadi, këto janë punë të Alexit! Mund të vjedhë por jo të dështoj sepse dështimi i tij është dështimi i Shefit të Shefit, ose më mirë të themi të Shefes që Alexi e ka të akredituar në Shqipëri!

Po pse shkuan atëherë oficerët e BKH para Portës së banesës së Lali Erit?!

Për ata që mendojnë se kaq i pavarur na qenka Altin Dumani sa zgjohet në një mëngjes të bukur dhe fillon punën duke arrestuar Lali Erin, le ta harron!

Kjo teoria idiote e “fundit të pandëshkuarve” mund të vlejë për ata të indoktrinuarit ose ata që vazhdojnë të jenë nën shërbimin e Alexit, por, jo për njerëzit me logjikë të shëndoshë!

U pa dhe në Amerikën ku lindi demokracia se si njeriu që u proklamua nga Administrata Biden si më i fajshmi i të gjitha kohërave, Donald Trump, sapo fitoi zgjedhjet jo vetëm që u bë i pafajshëm, por, Prokurori që 24 orë në ditë e akuzonte, dha dorëheqje dhe iku në drejtim të paditur!

Çfarë race ishte ai, thoni ju, ja si Edi, Linda e Lali Eri, pa din e iman, vetëm të komanduar nga Alexi i Georgit të Sorosëve!

Për ata që harrojnë se zgjedhjet po vinë dhe duhet të ketë një rezultat edhe kjo Drejtësi që u shit se e reformuar, duhet ta kenë të qartë se hetimi i pasurive të pushtetarëve socialistë do të vazhdoj deri sa Partia Socialiste të jetë në pushtet, dhe arrestimi i tyre mund të ndodhë vetëm në momentin kur drejtësia të rikthehet në këtë vend; Pra, Edi Rama me të ngjashmit shporret nga pushteti!

Deri atëherë, mos u ngatërroni me lajmet që u servirin gazetarët që paguhen nga krimi, sepse vetëm Lali Eri mund t’a arrestoj Lali Erin pavarësisht se sa inceneratorë që nuk ekzistojnë ka në tokën e shqipeve ose sa 5D vërtetë ekzistojnë! Ose më saktë, në momentin që Lali Eri e kupton se jo Belinda, por, Edi Rama nuk do ta bëjë Kryeministër, ai do të lajë gojën dhe do filloj të flas, sikur edhe të pagëzohet i penduar i drejtësisë!   

Kështu, me arrestimin e Lali Erit, mund të arrestohet edhe Edi Rama!