SPAK sekuestron pasuritë e Ylli Ndroqit, avokati: Sulm politik! Do ta apelojmë…

Pasi GJKKO me kërkesën e SPAK vendosi të sekuestroi sot 26 pasuritë e biznesmenit, Ylli Ndroqi, ndër të cilat edhe TV Ora News dhe Channel One, pas daljes nga Drejtoria e Policisë së Tiranës avokati i tij tha se Ndroqi kishte shkuar në Polici për të dorëzuar makinën që ishte në listën e pasurive të sekuestruara dhe për të kërkuar sqarime.

“Ka qenë duke udhëtuar me automjetin e tij Mercedes kur forcat operacionale e ndaluan pas një urdhri nga dy prokurorët që e kanë cuar cështjen në gjykatë, për të marrë makinën. Ka kërkuar ta shoqëroje vetë makinën. Erdhëm në drejtorinë e policisë, na është komunikuar një urdhër ezkekutimi për vendosje sekuestro , nuk është as i ndaluar as i shoqëruar. Ka shoqeruar Mercedesin e tij e ka kërkuar sqarime. Brenda afatit do e ankimojjmë në Apel të SPAK-ut,” tha avokati duke e konsideruar vendimin e SPAK si sulm politik ndaj Ylli Ndroqit, pasi biznesmeni është në gjyq me kryebashkiakun e Tiranës Erjon Veliaj.