Spanjë, rekord i ri i turistëve të huaj, për 10 muaj shpenzuan 95 miliardë euro

Spanja, e cila është në garë për turistët me destinacion mesdhetar me Kroacinë dhe Greqinë, këtë vit është vizituar nga 74.7 milionë turistë të huaj, që është numri më i madh i shënuar ndonjëherë, raporton Zyra e Statistikave, INE.

Deri më sot rekordin e mbante viti 2019, para shpërthimit të koronavirusit, me 74.5 milionë turistë të huaj. Ky numër u tejkalua që në muajin tetor, dy muaj para përfundimit të vitit.

Ministri spanjoll i turizmit, Jordi Hereu, tha sot se ky vend nuk varet më vetëm nga muajt e verës, por Spanja vizitohet nga turistët e huaj gjatë katër stinëve të vitit. 

Në muajin tetor, i cili ishte jashtëzakonisht i ngrohtë, në Spanjë qëndruan 8.2 milionë turistë, që është 6 milionë më shumë se në të njëjtin muaj të vitit 2019. Numri më i madh i tursitëve ishte nga SHBA, Italia, Portugalia dhe Irlanda.

Nga muaji janar deri në tetor, turistët e huaj shpenzuan në Spanjë 95 miliardë euro, nga 92 miliardë sa kishin shpenzuar në të njëjtën periudhë para katër viteve më parë, raportoi INE. 

Ndryshe, në Spanjë jetojnë 47 milionë banorë.