Sri Lanka, protestuesit futen në Presidencë dhe freskohen në pishinë

Presidenti i Sri Lankës, Gotabaya Rajapaksa arriti të largohet nga rezidenca e tij vetëm pak çaste pasi protestuesit e zemëruar me krizën ekonomike të pa precedent, arritën të futen në kompleksin presidencial.

Deri sa rojet që kujdesen për sigurinë e Presidentit qëlluan në ajr, mbi protestuesit që arritën të futen në Presidencën që e kishin rrethuar duke kërkuar dorëheqjen e shefit të shtetit të cilin e akuzojnë për drejtimin e keq të vendit, Rajapaksa arriti të largohet, është shprehur për Agjencinë e lajmeve AFP, një Zyrtar i lartë i cili deshti të mbetet anonim.

“Presidenti është në vend të sigurt. Vazhdon të jetë President, dhe mbrohet nga njësi ushtarake,” tha burimi për AFP.

Kryeministri Ranil Wickremesinghe, i cili pritet ta marrë postin e Presidentit nëse Rajapaksa jep dorëheqje, ka thirrë një mbledhje urgjente të qeverisë për të diskutuar zgjidhjen urgjente të krizës politike, tha Zyra e Kryeministrit, ndërsa protestuesit të cilëve u iku Presidenti përfunduan duke u freskuar në pishinën e kompleksit presidencial, pamje që bënë xhiron e botës.