Strazimiri i përgjigjet Vlahutin: Kur unë kërkoja rekomandimin e Venecias, më thoje se…
Deputeti i Partisë Demokratike, Gent Strazimiri, ka reaguar në lidhje me qëndrimin e shprehur nga Ambasadorja në ikje e BE në Tiranë, Romana Vlahutin, e cila tha se për ligjin e Magjistraturës ose duhet të bëhet një seancë e jashtëzakonshme ose duhet të votohet në shtator.
“Kur unë kërkoja zbatimin e “Rekomandimit 88 të Komisionit të Venecias” që të mos bllokohej sistemi, dhe që reforma të mos reduktohej në deformë, kjo shoqja bënte sikur s’dëgjonte, ose ca më keq akoma, më akuzonte që nuk e doja reformën se paskësha patur frikë nga drejtësia e kësaj…”, shkruan deputeti demokrat në një koment në rrjetet sociale.
Komenti i Genti Strazimirit
Po sikur thjesht të zbatojmë “Rekomandimin 88” të Komisionit të Venecias që ti kishe për DETYRË t’i siguroje ZBATIMIN….? Apo ç’e do !!!!
Kur unë kërkoja zbatimin e “Rekomandimit 88 të KOMISIONIT TË VENECIAS” që të mos bllokohej sistemi, dhe që REFORMA të mos reduktohej në DEFORMË, kjo shoqja bënte sikur s’dëgjonte, ose ca më keq akoma, më akuzonte që nuk e doja reformën se paskësha patur frikë nga drejtësia e kësaj…
Tani që sistemi është bllokuar, ka rënë, s’është më, siç u ngjira duke ia thënë “me zë dhe figurë” 2 vjet rrjesht, kjo bën sikur s’e dinte, dhe kërkon “ndreqje gabimesh” të ligjit që ka imponuar vetë, kundër çdo arsyeje logjike, juridike madje edhe arithmetike, se…. ashtu është një muhabet…
Çfarë nuk “taulantos” në “edvinëri e sipër”, vetëm tek zbatimi i “Rekomandimit 88” nuk i shkon mendja…
