Sulm me thikë në Paris, 6 të plagosur

Një person ka plagosur me thikë disa persona mëngjesin e sotëm në stacionin e trenit Gare du Nord në Paris.

Sulmuesi është neutralizuar shpejt nga policia, tha ministri i Brendshëm, Gerald Darmanin, përmes rrjetit socia Twitter, pa dhënë detaje të tjera.

Televizioni BFM TV raporton se janë plagosur gjashtë persona në sulmin i cili ka ndodhur pak para orës 7:00 të mëngjesit, ndërsa edhe vetë sulmuesi ka marrë lëndime të lehta, raporton Agjencia e lajmeve AFP. Policia ka rrethuar zonën ku ka ndodhur sulmi, për shkaqe sigurie, raporton France.info. 

Operatori heukurdhor SNCF ka bërë të ditur se është caktuar perimetri i sigurisë rreth vendit ku ka ndodhur ngjarja, ndërsa stacioni po punon normalisht.

Ndryshe, ky sulm vjen një muaj pas sulmit në Qendrën kulturore kurde në Paris ku u vranë tre persona dhe u plagosën tre të tjerë.

Stacioni i trenit Gare du Nord është një terminal për linja të shumëta që lidhin kryeqytetin francez me linjat vendore si dhe ato ndërkombëtare, siç është treni Thalys i cili lidhë Parisin me Brukselin, përkatësisht Eurostar i cili mbanë linjën deri në Londër.