Sulm terrorist/ Zelandë e Re, sulmohen dy xhami, të paktën 49 të vrarë
Një terrorist është futur në dy xhami në qytetin Christchurch në Zelandë të Re duke lënë të paktën 49 të vrarë.
Fillimisht u fut në Xhaminë Al Noor, ku në momentin e sulmit terrorist ishin rreth 200 besimtarë mysliman, dhe më pas është sulmuar xhamia tjetër vetëm 10 minuta larg në Linwood.
Kryeministrja e Zelandës së Re, Jacinda Ardern, menjëherë pas sulmit ka konfirmuar se janë vrarë 40 njerëz dhe të paktën 20 janë plagosur. Por më pas Policia ka bërë ditur se ky numër është rritur në 49.
Janë arrestuar katër persona, por kryeministrja tha se janë edhe shumë persona që kanë të bëjnë me këtë sulm i cili ka filluar rreth orës 13:40 me orën lokale.
“Tre meshkuj dhe një grua janë arrestuar,” tha shefi i policisë, Mike Bush, por tha se numri i të dyshuarve mund të rritet ndërsa e ka përshkruar sulmuesin si një terrorist të dhunshëm të ekstremit të djathtë.
The death toll in the Christchurch mosque attacks has increased to 49. Police say one man has already been charged with murder in the wake of the terrorist attacks. https://t.co/RH0j8CL1aC pic.twitter.com/y6iHbKQLEG
— CNN International (@cnni) March 15, 2019
Pas sulmit, kryetarja e bashkisë Christchurch, Lianne Dalziel, u shprehë.
“Qyteti ynë ndryshoi përgjithmonë!”
“Australia qëndron pranë Zelandës së Re në këtë kohë të errët ku urrejtja dhe dhuna i vjedhën paqen dhe virgjërinë. Qëndroni të fortë,” është shprehur përmes rrjetit social Twitter kryeministri i Australisë, Scott Morrison i cili ka urdhëruar që flamujt të lëshohen në gjysmë shtizë.
Out of respect and in condolence for all those killed in the terrorist attack in New Zealand, I have asked for flags to be flown at half-mast. pic.twitter.com/0qgIrmdgoH
— Scott Morrison (@ScottMorrisonMP) March 15, 2019
Zyrtarisht një person akuzohet për vrasjet ndërkohë në makinën e tij janë gjetur shumë mjete shpërthyese.
Interesantë është se sulmin e tij terrorist, sulmuesi e ka transmetuar live në Facebook, aksion i cili u shoqërua me këngë çetnike.
Dhe, para sulmeve, në rrjetet sociale është shfaqur një manifest me 87 faqe për cilin besohet, raporton CNN, se është shkruar nga terroristi i cili ka kryer vrasjet. Manifesti është përplot me ide dhe qëndrime antiemigrante dhe antimuslimane.
