Sulmet kibernetike, policia kontrolle në kampin MEK

Policia e Shtetit është duke ekzekutuar një urdhër kontrolli të lëshuar nga Gjykata e Tiranës në ambientet në territorin e kampit MEK në Manzë të Durrësit.

Mësohet se urdhri i kontrollit u bë në kuadër të luftës kundër terrorizmit dhe parandalimin e sulmeve kibernetike. Në zbatim të këtij urdhri të lëshuar nga gjykata, Policia e Shtetit ka marrë masa për zbatimin e tij dhe janë futur brenda kampit.

Pasi janë shoqëruar disa nga muxhahedinët e kampit për tu marrë në pyetje, vetëm disa prej tyre janë rikthyer, por zyrtarisht autoritetet nuk konfirmojnë as numrin e të shoqëruarve dhe as arsyen përse janë shoqëruar, por ata konfirmojnë se aksioni që po zhvillohet në kampin e opozitës iraniane në Manzë.

Ndërkohë që marrja në pyetje e banorëve të kampit vazhdon, mësohet se në listë janë dhjetëra emra që do i përgjigjen autoriteteve ligjzbatuese lidhur me krimet kibernetike.