Sulmi i Edi Ramës ndaj “Prestige Resort”, leksion për Irfanin dhe jo për shqiptarët!
Irfan Hysenbelliu nuk u shqetësua kur rezultoi se kompania e ti mediatike “Focus Media News” rezultoi se renditet e pesta me radhë nga të ardhurat që kishte vjelur në vitin 2021 ndërkohë edhe shikueshmëria kishte rënë, ndërsa Kryeministri Edi Rama, Kryetari i Grupit Parlamentar të PS, Taulant Balla dhe Kryetari i Bashkisë Tiranë, Erion Veliaj, ishin bërë si logo e këtij televizioni; Por, papritmas Irfani me ekranin e tij u shqetësua kur dora shtetërore ia behu në pronën e tij sepse kishte lëvizur pak nga linja e Kryeministrit Edi Rama duke mbrojtur biznesin e tij nga disa institucione shtetërore që nuk po i bindeshin “Focus Media News” dhe pronarit.
Pse sulmon Edi Rama pronën e pronarit të një medie?! Këtë duhet ta pyes veten Irfan Hysenbelliu sepse Edi Rama është po ai që i jepte Irfanit leje ndërtimi si kryetar i Bashkisë Tiranës, projektonte plazhin e këtij Resorti kur Irfani po investonte në këtë biznes, kur afganët i përqafonte në Prestige, ose kur ndërpritej edhe transmetimi me liderin e opozitës sepse diçka do thoshte Taulant Balla ose Erion Veliaj!
Sepse, shqiptarët e kishin dhe e kanë të qartë dhe ikën nga News 24 kur ajo iu afrua Edi Ramës!
Pse heshti Irfani me medien e tij kur kuksianët protestonin për vendosjen e traut në Rrugën e Kombit, këtë nuk është se e dinte vetëm Irfani, ashtu siç e dinin se pse Edi Rama nuk takson asnjë rrugë tjetër përveç asaj që bashkon kombin.
Pse u mundua ta bind opinionin shqiptar Edi Rama me disa serbë në këtë Resort, se sa i mirë është “Ballkani i Hapur” i Aleksandar Vuçiçit, këtë e kuptuan të gjithë shqiptarët ashtu si dhe Irfani që përmes mediave të tij ofronte pamje të pakuptimta thuajse vetëm pushuesve nga Serbia po qëndrojnë në bregdetin shqiptar.
Pse Irfani me medien e tij u bë pjesë e projektit të Edi Ramës për shkatërrimin e Partisë Demokratike këtë e kuptuan të gjithë shqiptarët përveç analfabetit politik Lulzim Basha që kishte krijuar idenë se ai po e mbronë! Pse Taulant Balla ndërhynte kot në transmetim të drejtërpërdrejtë, kur Basha ishte duke dhënë ndonjë deklaratë këtë vetëm Basha me ekspertët e tij mediatik nuk do t’ja dinin, por, shqiptarët ishin të qartë ashtu si edhe sot!
Pse shembja e shtëpive te Unaza e Madhe ose Teatri Kombëtar nuk u transmetuan siç po bëhet me pamjet makabre nga Prestige Resort, shqiptarët e kishin të qartë dhe jo vetëm Irfani!
Sot kur fadromat po shembin pjesë nga Prestige Resort, Kryeministri Edi Rama e arsyeton veprimin kriminal me shkelje ligji, pushuesit që vijnë nga bota e lirë dhe po sfidojnë gjithë këtë makabritet pa i ndikuar nga mediat e Irfanit, janë duke i dhënë një leksion të mirë vetëm Irfan Hysenbelliut sepse shqiptarët e kanë provuar në lëkurën e tyre dhe e njohin mirë regjimin e Edi Ramës!
Sot, kur botës po i tregohet edhe një makabritet me Prestige Resort që vetëm Edi Rama dinë ta bëjë edhe me çmimin për ta rrënuar imazhin e Shqipërisë, përkundër humbjes së madhe të biznesit të Irfan Hysenbelliut për teket e Ramës, paradoksalisht, si shqiptarët ashtu dhe Irfani do të jenë të fituar!
Sot Edi Rama ka humbur një medie që me të shtypur të butonit përçonte mesazhet e tij plotë mashtrim dhe gënjeshtra, por për fat të mirë, Irfani me medien e tij do ti kthehet shqiptarëve, ata që nuk i shantazhon dot ama me punë dhe ndershmëri u shet shërbimet dhe produktin që ofrojnë bizneset e tij!
Në fund, ndonëse ti nuk e mbylle derën e qeverisë por këtë e bëri Edi Rama, Irfan Hysenbelliu mirë se vjen sërish ndër shqiptarë, aty ku Edi Rama nuk vjen dot për shumë arsye!
