Sulmi terrorist serb i 24 shtatorit, Policia e Kosovës aksion në veri

Zëvendësdrejtori i Policisë së Kosovës, Veton Elshani, ka deklaruar sot se Policia e Kosovës është duke zhvilluar një aksion në disa lokacione në veri lidhur me sulmin terrorist serb të 24 shtatorit në Banjskë.

Ende nuk ka persona të arrestuar. tha Zv.Drejtori i Policisë së Kosovës ndërsa aksioni vazhdon.

Ndryshe, më 24 shtator, si pasojë e një sulmi terrorist serb në Banjskë të Zveçanit u vra polici Afrim Bunjaku.

Me ndërhyrjen e Policisë së Kosovës u vranë tre terroristë serbë ndërsa është konfiskuar një arsenal i madh armësh në vlerë prej pesë miliona euro.

Në përpjekje për të shfajësuar Serbinë, pasi u konstatua se armët vinin nga depotë e saj ushtarake dhe policore, përgjegjësinë për sulmin terrorist e mori drejtuesi i këtij grupi, Milan Radoiçiç, por dështoi pasi Presidenti i Serbisë, Aleksandar Vuçiç vazhdon ti konsideroi terroristët e vrarë serb si martirë dhe heronjë ndërsa Radoiçiçin si aleatë!