Sulmi terrorist serb në Banjskë, ministrat e Mbrojtjes të NATO-s diskutojnë në Bruksel

Në Bruksel sot fillon takimi dyditor i ministrave të Mbrojtjes të vendeve anëtare të NATO-s ku njëra ndër çështjet që do të diskutohet është dhe situata e sigurisë në Kosovë pas sulmit terrorist serb pas të 24 shtatorit në Banjskë.

Pas sulmit terrorist serb në veri të Kosovës, NATO vendosi të shtoj prezencën e trupave të KFOR-it me 400 forca nga Mbretëria e Bashkuar dhe Rumania, ndërkohë drejtimin e misionit të Aleancës Veriatlantike në Kosovë e mori gjenerali turk, Özkan Ulutaş.

Në takimin dyditor që do të zhvillohet në Bruksel, i cili do të kryesohet nga Sekretari i Përgjithshëm i NATO-s, Jens Stoltenberg, 30 ministrat e Mbrojtjes të shteteve anëtare do të diskutojnë edhe për situatën në Ukrainë, konfliktin izraelo-palestinez dhe sfidat e shumëta me të cilat po përballet Aleanca Veriatlantike.

Në orët e pasdites është parashikuar një dalje publike e Sekretarit të Përgjithshëm të NATO-s, Jens Stoltenberg, ku priten mesazhe të qarta të Aleancës Veriatlantike për sigurinë dhe sfidat e saj në botë.