Sulmuesi i xhamive në Zelandën e Re akuzohet për terrorizëm

Policia në Zelandën e Re tha se sulmuesi i xhamive në qytetin Christchurch  u akuzua për terrorizëm.

Australiani Brenton Tarrant, u ngarkua më herët me 51 akuza për vrasje dhe 39 akuza për tentim-vrasje, raporton RFE.

Akuza për terrorizëm bart dënimin maksimal me burgim të përjetshëm.

Policia tha përmes një deklarate se Tarrant u akuzua për “angazhim në një akt terrorist”.

Tarrant akuzohet për vrasjen e 51 personave dhe plagosjen e dhjetëra të tjerëve në dy xhami të Christchurch, më 15 mars 2019.

Kanë qenë këto të shtënat më vdekjeprurëse masive në Zelandën e Re.

Pas këtij akti terrorist, Parlamenti i Australisë votoi për ndalimin e armëve gjysmë-automatike.

Tarrant, 28 vjeç, do të paraqitet në gjykatë në qershor.