Sundimi përmes histerisë sociale, nga arratisja e Bllakos te sms e Elisabetës
Sundimi i Edi Ramës nga dita e uljes së tij në fron u karakterizua me një manipulim pare exellence përmes rrjeteve sociale, duke mos kursyer as përçarjen racore e së fundi, si në disa raste tejet kritike, edhe atë krahinore.
Dhe derisa laku drejtë përgjegjësisë po shkon duke u ngushtuar, Edi Rama përmes laboratorit të tij ka intensifikuar gjithë makinerinë e tij propagandistike për ti bërë shqiptarët që në rrjetet sociale të merren me marrëzira në mënyrë që ti shmangen skandalit që i shpërtheu në duar me incineratorët; Që sot përfundimisht mund të thuhet, jo për mungesë të vëmendjes por për ngatërresën e qeverisjes me njerëzit e Ilir Metës, që për propagandë edhe nuk mund të shquhen ama për tendera, Rama vetëm mund të edukohet por jo edhe ti tejkaloj!
Askush nuk u mor me Lefter Kokën si ministër i Mjedisit kur në vitin 2017 akuzonte Drejtorin e Policisë Durrës për kultivim dhe trafikim të marijuanës, por në momentin që Teri mori guximin të dal nga vatha e Likes dhe ti shërbej Edi Ramës, ai firmosi dhe biletën, vetëm vajtje, për në ferr, që gjerësisht u pasqyrua në media!
Në çast, shqiptarët e kuptuan se Lefteri qenka dhe hajdut, na paska bërë gjëmën me inceneratorët dhe me shpalosjen e petëve të këtij lakrori të krimit, fatura shkoi mbi 400 mln euro.
Meqë skandali ishte i përmasave që vetëm komunistët dinë të bëjnë, u zbulua se ishin të implikuar të gjithë ata që i vunë prangat Lefter Kokës në emër të drejtësisë së reformuar dhe qelibar.
Ti thuash një shqiptari që Edi Rama është hajdut edhe nuk është ndonjë lajm sepse si i tillë qarkullon që nga viti 2000 dhe votohet në zgjedhje, por kur këtë e thonë kolegët e LSI me të cilët ka bashkëqeverisur, gjërat ndryshojnë.
Të arrestohet Engjëll Agaçi, Erion Veliaj ose Arben Ahmetaj nga dora e Edi Ramës nuk e imagjinon njeri pavarësisht shifrave që u dokumentuan, kështu dhe ndodhi. U vu në lëvizje institucioni më i degjeneruar i drejtësisë, SPAK, dhe lëshoi ca urdhër arreste që nuk zgjuan interes përkundër pompozitetit që organizoi Edi Rama me rrjetet sociale dhe mediat që ka në shërbim.
Se ku e pi kafen personi në kërkim Klodian Zoto, më shumë ishte impenjim i gazetarëve të kronikës që Edi Rama ka në shërbim se sa e opinionit të gjerë që çdo ditë kalon te Taverna Zoto pranë Urës së Tabakëve dhe e sheh njërin nga personat në kërkim që i shërbejnë pushtetit.
Tigani ishte në zjarr, por Edi Ramës i duhej një peshk që prek shqisat e shijimit të popullit pavarësisht përmasave; Dhe u shpik njëri nga të akuzuarit e këtij skandali, ose dora e djathtë e Lefter Kokës që tashmë ishte në burg, Ish-Sekretari i Përgjithshëm i ministrit Mjedisit dhe deputeti aktual i PS, Alqi Bllako!
Komisioni i Rithemelimit të PD përkundër halleve të mëdha që ka me morrat e Lulzim Bashës reagoi duke theksuar se kjo është lojë e Edi Ramës, i cili duhet të përfundoj para ligjit dhe jo vetëm ata që zbatuan urdhrat e tij!
Përpjekja e Komisionit Rithemelimit PD nuk arriti ti bëjë ballë histerisë që ringjalli në rrjetet sociale Edi Rama duke përdorur Ish-Zv/ministrin dhe avokatin e Bllakos, Sokol Hazizaj, i cili përmes një fotoje me avion në rrjetet sociale bënë me dije se deputeti i PS, Alqi Bllako, i cili kishte heqë dorë nga imuniteti, ishte arratisur. Policia e konfirmoi se nuk e kishte gjetur në shtëpi, në përpjekje për ta arrestuar ndërsa populli i varfër shqiptar u bombardua nga mediat në shërbim të Ramës me lajmin e arratisjes dhe detaje skizofrene që filluan ti bëjnë kurioz edhe Bllakon dhe Hazizajn, mdje dhe Fugën e Ramën ndonëse ishin prodhues të këtij lajmi që shkaktoi një histeri të paparë në rrjetet sociale.
Dita gdhiu edhe më e rëndë, me lajmi mbi Alqi Bllakon i cili ishte vetëdorëzuar, policinë që nuk e kishte arrestuar, SPAK-un e paaftë dhe një tufë institucionesh të sigurisë që u degraduan nga laboratori i histerisë sociale të Edi Ramës!
Kur gazetarët e kronikës e kuptuan që ishin manipuluar jo nga Sokol Hazizaj i shkretë, i cili nuk është asgjë tjetër përveç se një hyzmeqar i Partisë së Punës, ata vazhduan me pompimin e histerisë sociale mbi pazaret që avokati i Bllakos ka bërë me SPAK-un, rolin e policisë dhe epilogjet e ndryshme që edhe serverat e Zuckenbergut nuk i mbanin.
Tejngopja e kësaj ngjarje, ku shqiptarët po shkonin drejt zbulimit të maskaradë mbi arrestimin e Alqi Bllakos, që realisht nuk është lajm por Edi Rama u zgjoi interesin për arratinë e tij, donte një tjetër shkëndijë për rrjetet sociale.
Paraqitja në Apelin e vettingut të Kryeprokurores së Tiranës, Elisabeta Imeraj, i dha Edi Ramës një ide që edhe nuk mund të ndezte meqë ishte përdorur për shumë raste; Por, ja që për fat të keq, Edi Rama kishte të drejtë!
Prokurorja Elisabetë nxori një sms, ku mendon se ka dokumentuar racizmin e ish-kreut të KPK, Genta Bungo, që kishte ndikuar për vendimin e saj!
“Çfarë të duhet, një maloke më pak? Madje nga Tropoja. Pupupupu! Unë u largova se ajo ishte eprorja ime,” ka cituar sms-n e Bungos, shoqja e Edi Ramës, Elisabeta Imeraj, të paktën kështu ka deklaruar kur u pyet për një drekë dyorëshe që kishte konsumuar në një restorant të Tiranës me Kryeministrin!
Dhe, shpërtheu histeria në rrjetet sociale, na doli një Elisabetë patriote, dezhurn të veriorëve që revoltohen me ofendimin “malok” dhe gatishmërinë e atyre që i kishte përfytyruar Edi Rama të shkruajnë pafund, mbi vlerat e Veriut dhe Jugun pas asnjë vlerë.
Askush nuk pyeti ku e mori sms-n Elisabeta Imeraj, kepërdori postin që ka, ia dha Edi Rama ose dhe Saimir Tahiri i cili shpëtoi për shkak të paaftësisë së prokurores Elisabetë!
Pse kjo shoqe e Edi Ramës nuk reagoi kur qindra gjyqtar dhe prokuror nga veriu, i shkriu vettingu nga sistemi i drejtësisë edhe pa ekzitencën e ndonjë sms-je komuniste, si kjo e Bungos! Madje edhe ish-shefi i Elisabetës që shihej këto ditë në krah të saj, në foto që u ripublikua nga seanca dëgjimore për Saimir Tahirin, u largua nga sistemi i drejtësisë sepse kishte një akuzë mediatike shumë më banale se sms-ja e Elisabetës: Njeriu i Berishës! Ndonëse nuk kishte lidhje me Sali Berishën, Ish-kreu i Prokurorisë së Krimeve të Rënda, Besim Hajdarmata, nuk e kaloi vettingun, dhe nuk e dëgjoi njeri Elizabetën patriote të na tregonte se sa të diskriminuar janë veriorët nga ky regjim kriminal!
Gjithsesi, histeria që shpërtheu në rrjetet sociale për ta mbrojtur shoqen e Edi Ramës, Kryeprokuroren e Tiranës, Elisabeta Imeraj, ishte shumë më dëshpruese se histeria që vazhdon me dëshmi mbi patriotizmin e Elisabetës!
O milet, Elisabeta Imeraj është një hyzmeqare e Edi Ramës dhe do të jetë në sistemin e drejtësisë deri në momentin që i duhet Kryeministrit për të mbrojtur fronin e tij! Arsyet i dinë Elisabeta! Ata që kanë menduar se Edi Rama ka respekt për veriorët, kanë probleme shëndetësore dhe urgjent duhet ti drejtohen një psikologu në zë. Jo si Elisabeta që merr avokat nga Strasburgu, por shqipfolës që kemi me bollëk, jo vetëm për Strasburgun por për gjithë Francën!
Ndërkohë që veriorët po presin një Gjergj t’ju dal me një këngë patriotike për ti trazuar ndjenjat e tyre, Edi Ramës po i dilte nga duart, kjo çështje që mori përmasat e përçarjes së pashërueshme kombëtare dhe e donte një tjetër gozhdë!
Parim në politikë është që gozhda ngulet vetëm në momentin e duhur, dhe këtë leksion Edi Rama nuk e ka harruar kurrë. Kështu ndodhi edhe në këtë katrahurë që u krijua nga histeria sociale rreth Elizabetës.
Edi Rama, Sekretar i Përgjithshëm i NATO-s! Ishte ky lajm që shpërtheu në të gjitha mediat shqiptare ndërsa ishte importuar nga Beogradi ku citohej një twitt e studiueses Suzan Starikov. Prodhuesja e këtij lajmi idiot nga fundi i ditës sqaroi se bëhej fjalë për një lajm në ditën e gënjeshtrës, 1 Prill, por lajmi kishte marrë dhen dhe nuk pranonte njeri ta përgënjeshtronte!
Komunistët shqiptarë në ekstazë për këtë fitore të madhe se lideri i tyre po merr nën komandë rivalen e Pakitit të Varshavës, e bashkë me ta edhe të përndjekurit e këtyre kriminelëve sepse po heqin qafe Edi Ramën të cilin Lulzim Basha nuk e lëvizi dot, nuk donin t’ja dinin se cila është e vërteta; E Starikov mendon se shqiptarët funksiojnë gjithmonë me pult!
Jo zonjë, një popull që sot beson se njeriu që i ka rrahur në dru deri në vdekje dy gratë e para, dhe sot nuk e zë gjumi nga meraku i të drejtave të grave, nuk ka se pse sqarohet për një twitt që ëshë prodhim i vetë Edi Ramës!
Ky lajm spostoi vëmendjen e shqiptarëve nga shumë halle, dhe sot nuk çajnë kokën për pazaret e Alqi Bllakos dhe inceneratorët e qindra miliona eurove ose dhe vettingun e Elisabeta Imerajt ndërsa rrufisin kafen e fundjavës sepse vazhdojnë ta bindin njëri tjetrin se NATO-s i duhet një njeri si Edi Rama; E ka dhe prej atyre që vazhdojnë të mendojnë se përderisa ka korruptuar Ambasadoren Yuri Kim, nuk e ka për gjë të korruptoj edhe ca njerëz në NATO, që nuk pyesin fare se kush është Sekretari i Përgjithshëm.
S’ka dhe si të jetë ndryshe kur Kryeministri i popullit më të varfër në Evropë, bukës 716 gramëshe i thotë bukë! Ku është çereku i bukës, aman mos pyetni se Edi Rama është i gatshëm për histerinë e radhës dhe ju sërish do ta ktheni kokën nga ajo pakicë që nuk dorëzohet pa e mirëkuptuar se si i thuhet JO, Kryeministrit të Shqipërisë që po na merr ajrin!
