Task Forca në Rinas, Manastirliu: Shqipëria nuk ka asnjë të konfirmuar me koronavirus!
Ministrja e Shëndetësisë dhe Mbrojtjes Sociale, Ogerta Manastirliu, gjatë një takimi me strukturat e Task Forcës në Aeroporitin e Rinasit tha se nuk ka asnjë rast të konfirmuar në Shqipëri me koronavirus ndërsa i bëri thirrje qytetarëve që për informacione t’i referohen vetëm ekspertëve dhe aktualisht nuk ka vend për panik.
“Qytetarët për informacione ti referohen vetëm atyre informacioneve zyrtare që dalin nga strukturat e ministrisë. Nga informacioni ditor që jep ministria si dhe struktura që po ndjek dhe monitoron këtë situatë.
Shumë e rëndësishme bashkëpunimi me ju gazetaret, për çdo shqetësim, pyetje apo informacion ne jemi të hapur për të komunikuar me ju 24 orë në shtatë ditë të javës. Është normale të kesh shqetësim në këtë situatë, por nuk duhet që paniku të na zërë arsyen dhe të na çojë në drejtime të cilat nuk bazohen në fakte reale. E kërkoj këtë me mirësi.
Shqipëria nuk ka asnjë rast te konfirmuar. Ju keni informuar për rastet që kanë qenë të dyshuara ku gjashtë raste që janë analizuar kanë rezultuar negative. Kemi dyfishuar masat në pikat kufitare. Në aeroportin e Rinasit, në portin e Durrësit, Vlorës, Sarandës dhe në pikat e kalimit kufitar tokësor, ku vetëm dje kemi monitoruar më shumë se 4500 udhëtarë që kanë ardhur nga vendet që kanë transmetim komunitar ku futet edhe Italia,” tha Manastirliu sqaroi nëse do të
mbyllen kufijtë dhe shkollat si masë mbrojtëse ndaj koronavirusit:
“Kjo situatë po trajtohet me shumë përgjegjësi. Është momenti të veprojmë në përgjegjësi të plotë duke garantuar shëndetin qytetareve. Në varësi dhe sipas shkallës së rrezikshmërisë di marrim edhe masat përkatëse. Shqipëria nuk ka asnjë rast të prekur me koronavirus. Unë me ekspertët. Sipas shkallës së rrezikshmërisë do ketë edhe masa me qëllimin e vetëm mbrojtjen e shëndetit të popullatës.
Vendimet do të bazohen mbi evidenca për të vlerësuar hap pas hapa marrjen e masave dhe vendimeve të tjera, për ccdo masë do të informoheni në kohë reale, qëllimi ynë i vetëm është mbrojtja e shëndetit të qytetarëve shqiptarë ndaj dhe masat që do të merren do të jenë vetëm mbi bazën e këtij qilimi madhor,“ tha Ministrja e Shëndetësisë duke shtuar se OBSH që po administron edhe në nivel ndërkombëtar veprimet, kur themi që masat që po merr vendi janë në përputhje të plotë me OBSH
“Nëse situata ndryshon brenda 5 minutave…”
Nëse niveli i rrezikshmërisë do të ndryshojë për pesë minuta, Shqipëria i ka marrë masat për të përballuar situatën, tha Drejtorja e Institutit të Shëndetit Publik, Albana Fico, duke konfirmuar se në vend është ndërtuar një karantinë dhe bëhet fjalë për një strukturë spitalore por nuk sqaroi se në cilin vend është ndërtuar karantina.
“Sa i përket masave që marrin shtetet ne nuk mund të komentojmë. Nëse situata ndryshon brenda 5 minutave, ne i kemi masat të marra, keni vendin për karantinim, kemi bërë trajnimet e nevojshme dhe trajnohemi në vazhdim. Jemi të gjithë të qartë dhe të qetë, që protokollet e instaluara në pikat e hyrjes, dhe në momentin kur risku për vendin është i ulët, fakti që virusi është në Itali ose përreth nesh nuk e ndryshon nivelin e riskut brenda, ai ndryshon nga ngjarjet që ndodhin brenda në vendAlerti është parapërgatitje e mirë menduar nëse do të kemi disa zhvillime të reja, risk të ulët, nuk kemi rast të konfirmuar, ISHP e bën diagnozën,” tha Drejtorja e Institutit të Shëndetit Publik, Albana Fico, në mbledhjen e Task Forcës në Aeroportin e Rinasit.
