Koronavirusi, Lulzim Basha takim me ekspertët

Kryetari i Partisë Demokratike, Lulzim Basha, ka nisur një takim pune me ekspertë të shëndetësisë për të koordinuar informacionet dhe qëndrimet në lidhje me përgatitjen e Shqipërisë për koronavirusin, rreziku nga i cili sa shkon e shtohet kur në Italinë fqinje tashmë kemi dhe 5 viktima.

Situata që raportojnë mjekët apo qytetarët që kanë ardhur mbrëmë dhe sot nga Rinasi është krejt ndryshme nga ajo që paraqet Ministrja e Shëndetësisë.

Në takim marrin pjesë Ish-Deputetë dhe ekspertë pranë PD me profesion mjekë ose njohës të çështjeve të shëndetësisë si:  Bardh Spahia, Tritan Shehu, Halim Kosova, Albana Vokshi, Orjola Pampuri, Gazment Koduzi, të cilët vazhdojnë të jenë në kontakt të vazhdueshëm me mjekët infeksionistë dhe ekspertë të tjerë që kanë shprehur edhe publikisht shqetësimin për mungesën e masave të duhura nga qeveria.