Tbilisi 2026, Distria Krasniqi, Kampione e Evropës

Medalistja e dyfishtë olimpike, xhudistja nga Kosova, Distria Krasniqi, u kurorëzua për herë të katërtë me titullin Kampione e Evropës.

Sot, në finalen e kategorisë deri në 52 kg, Distria Krasniqi mundi francezen, Amandine Buchard, në finalen e madhe të Kampionatit Evropian në Tbilisi të Gjeorgjisë. 

Ndryshe, Distria Krasniqi e nisi me fitore ndaj çekes, Tereza Bodnarova. Ndaj saj fitoi me uazari, kurse dominoi gjithë luftën.

Në luftën e dytë, në çerekfinale, Distria e kontrolloi luftën taktike ndaj polakes Aleksandra Kaleta, dhe fitoi me uazari.

Në gjysmëfinale e kishte përballë italianen e njohur, Odette Giuffrida. Pas një lufte të fortë, u shkua në kohën shtesë, ku Distria fitoi më Yuko.

Nesër, Kosova pret medalje nga tre xhudistët përfaqësues në këtë Kampionat Evropianë, Laura Fazliu, Akil Gjakova dhe Dardan Cena.

Kështu, Kosova, nën drejtimin e trajnerit të palodhur, kryemjeshtrit Driton Kuka, për 14 vite arriti të fitoj 26 medalje në kampionate kontinentale, 10 prej të cilave të arta.