Te Krimet e Rënda/ Pas largimit të prokurorëve, Saimir Tahiri thotë se ka prova: Prisni dy-tre ditë…
Pas largimit të prokurorëve të çështjes, Ish-ministri i Brendshëm i akuzuar për trafik ndërkombëtar të drogës, Saimir Tahiri jo vetëm që paraqitet vetë në Prokurorinë e Krimeve të Rënda por thotë se ka prova të reja.
I shoqëruar nga avokati i tij Maks Haxhia, pasi doli nga Prokuroria e Krimeve të Rënda tha se kishte dorëzuar prova deçizive:
“Paraqita diçka që ka rëndësi për procesin, por do kërkoj mirëkuptimin tuaj do flas pas 23 ditësh për të thënë çfarë është. Provë që e quaj deçizive. Prisni dy tre ditë do e dëgjoni. Kam një vit që dëgjoj
pafundësisht dhe kam heshtur, prisni ju tani”, tha Tahiri.
Ndryshe, prokurori çështjes “Tahiri” që kërkoi arrestimin e tij, Besim Hajdarmataj, është “sistemuar” nga Kryeprokurorja e Përkohshm e Përgjithshme në njërin nga skajet e vendit tonë të bukur, Pogradec.
