Të Përndjekurit Politik i bashkohen “Foltores”, nesër në Kuvend
Të Përndjekurit Politik Demokrat që nuk e pranuan emërimin e Sekretares për të Përndjekurit Politik pranë PD, Jonila Godole, nga ana e kryetarit të PD, Lulzim Basha, sot publikisht kanë dalë në mbështetje të “Foltores” së iniciuar nga lideri historik Sali Berisha dhe Kuvendit Kombëtar që organizuan.
Përmes një letre drejtuar liderit historik të Partisë Demokratike, Sali Berisha, degët e Shoqatës Antikomuniste të Përndjekurve Politik Demokrat në Tiranë, Durrës, Fier, Tropojë, Krujë, Peqin, Gjirokastër, Tepelenë, Memaliaj Përmet, Këlcyrë, Konispol dhe Sarandë duke falenderuar për nismën për hapjen dhe riformimin e Partisë Demokratike nëpërmjet Foltores konfirmojnë pjesëmarrjen në Kuvendin e 11 Dhjetorit
“Ju falenderojmë për nismën tuaj për hapjen dhe riformimin e Partisë Demokratike nëpërmjet Foltores, e cila po kthen edhe një herë dinjitetin e të gjithë demokratëve kudo që ndodhen. Shoqata Antikomuniste e të Përndjekurve Politik Demokrat ju përkrah në këtë mision që keni ndërmarrë,” shprehen degët e Shoqatës Tiranë, Durrës, Fier, Tropojë, Krujë, Peqin, Gjirokastër, Tepelenë, Memaliaj Përmet, Këlcyrë, Konispol dhe Sarandë.
