Të poshtëruar, Heronjtë e Fëmijëve tanë po heshtin! Ai që i poshtëroi, i çon selam edhe ndërkombëtarëve!
Votimi i sotëm në Parlamentin e Shqipërisë ku me gjithë hetimin e SPAK-ut i cili të pandehurën Belinda Balluku e projekton me dëshmitë e tij si fajtore që mund të dënohet deri në 35 vjet burg, e poshtëroi Prokurorinë e Posaçme duke i bërë të qartë se prezumimi i pafajësisë nuk është më një e drejtë juridike e të akuzuarit në një gjykim penal, dhe nuk konsiderohet si një e drejtë universale e njeriut nën Artikullin 11 të Deklaratës Universale për të Drejtat e Njeriut, të Kombeve të Bashkuara, por, e drejtë e Partisë Socialiste.
Ndërsa, barra e provës, nuk i takon Prokurorisë së Posaçme, e cila mund të vazhdojë të mbledhë dhe të paraqisë mjaft dëshmi bindëse për të bindur trupin gjykues, por, fillimisht duhet të bind shefin e SPAK-ut dhe GJKKO-së, Edi Rama.
Por, as kjo nuk i poshtëroi Heronjtë e Fëmijëve Tanë, të cilët vazhduan me reagimet e Ambasadave të SHBA, BE etj. për të cilat Edi Rama, gjithashtu kishte një përgjigje, pa u thelluar në përmbajtjen kritike se Shqipëria mbështetet në procesin e integrimit në BE, por kusht i domosdoshëm është ndjekja penale e korrupsionit edhe në raste të rangut të lartë, shpejt dhe pa pengesa.
“Belinda Balluku nuk akuzohet për korrupsion dhe hetimi i çështjes duhet të vazhdojë, i patrazuar as nga pengimi as nga yshtja e SPAK-ut, prej faktorësh jashtë kufijve të pushtetit të pavarur gjyqësor,” thotë Edi Rama në reagimin e tij përmes rrjetit social X dhe përballë Heronjëve të heshtur të Fëmijëve Tanë edhe kur Kryeministri nuk e quan korrupsion 50 milionë dollarët për një tender tuneli ose favorizim në tendera për gjithë ato lote që u sajuan në Unazën e Madhe, si dhe kur akuzon SPAK-un për yshtje përmes faktorëve jashtë kufijve!
Në fund, Edi Rama tregon se si e mbylli sot Parlamenti i tij ditën:
“Duke treguar se dinjiteti i parlamentarëve nuk është material për eksperimente socio-politike, të cilat e bëjnë kurën më të rrezikshme se sa sëmundja që duhet të luftojë!”
Po ku janë Heronjtë e Fëmijëve Tanë që të sqarohen me këtë poshtërues të SPAK-ut, pse duhet të jenë ata material për eksperimente socio-politike se
Përshëndes deklaratat e ambasadave të Mbretërisë së Bashkuar dhe Gjermanisë, me parimet e shprehura në të cilat jemi të gjithë shumë dakord, 100%.
— Edi Rama (@ediramaal) March 12, 2026
Por duke qenë se që të dyja dolën sot, kur Kuvendi me plot të drejtë refuzoi heqjen e lirisë së një deputeteje në mungesë të plotë…
Reagimi i Edi Ramës:
Përshëndes deklaratat e ambasadave të Mbretërisë së Bashkuar dhe Gjermanisë, me parimet e shprehura në të cilat jemi të gjithë shumë dakord, 100%.
Por duke qenë se që të dyja dolën sot, kur Kuvendi me plot të drejtë refuzoi heqjen e lirisë së një deputeteje në mungesë të plotë të kushteve për ta ndërmarrë një hap të tillë ekstrem dhe, njëkohësisht, duke qenë se Shoqata e Molotovarëve të Tiranës ka filluar të flasë edhe në emër të Gjermanisë, përfitoj nga rasti të theksoj:
– Kjo shumicë qeverisëse e ka mendjen të ndarë dhe busullën të palëvizshme: Shqipëria 2030 në Bashkimin Europian.
– Reforma në Drejtësi nuk kthehet mbrapa, pavarësia e gjyqësorit nuk preket dhe mbështetja për SPAK-un mbetet e palëkundur.
– Lufta reale kundër korrupsionit vazhdon, më këmbëngulëse se kurrë, siç e tregon qartë edhe pasqyra objektive e përditësuar Komisionit Europian.
– Belinda Balluku nuk akuzohet për korrupsion dhe hetimi i çështjes duhet të vazhdojë, i patrazuar as nga pengimi as nga yshtja e SPAK-ut, prej faktorësh jashtë kufijve të pushtetit të pavarur gjyqësor.
– Shumica qeverisëse, bëri sot pa asnjë diskutim atë që do të bënte çdo parlament demokratik i Europës, ku kalimi i kërkesave të prokurorisë jo për arrestin pa gjyq të një deputeti, po për të filluar apo jo hetimet, nuk është askund si kalimi pa asnjë lloj kontrolli i kufijve në zonën Shengen. Ai është një proces serioz, i bazuar në norma kushtetuese e ligjore, të cilat nuk janë as karta bianka, as dyer të mbyllura për prokurorinë.
Sot ne i kemi respektuar plotësisht ato norma dhe kush pretendon të kundërtën, ka të drejtën e vet të padiskutueshme, po s’ka argumenta të mjaftueshëm për ta fituar debatin mbi ekzistencën ose jo të kufirit mes pushteteve të pavarur kushtetues, të cilin parlamenti i Shqipërisë e mbylli sot duke treguar se dinjiteti i parlamentarëve nuk është material për eksperimente socio-politike, të cilat e bëjnë kurën më të rrezikshme se sa sëmundja që duhet të luftojë!
Ecim përpara, Shqipëria nuk ka plan B.
