Të shtëna me armë pranë Gjykatës së Tiranës, plagoset ish-prokurori i “21 Janarit”

Të shtëna me armë janë dëgjuar sot në një lokal pranë Gjykatës së Tiranës, ku raportohet se një person ka mbetur i vrarë ndërsa është plagosur ish-prokurori i “21 Janarit” Adriatik Cama.

Mësohet se Mexhit Picari ka vrarë ish-dhëndrin Kudret Saliaj. i cili ishte në proces divorci me vajzën e tij, ndërsa avokati Cama ishte në tavolinë me ta.

Pas një konflikti të çastit i plagosur ka mbetur avokati Adriatik Cama.

Policia ka identifikuar autorin dhe është vënë në ndjekje të tij.

Ndryshe, Adriatik Cama është i njohur si prokuror i çështjes së “21 Janarit” i cili është shkarkuar nga vettingu dhe akutalisht punon si avokat.

Njoftimi i policisë:

Rreth orës 11:50, në bulevardin “Gjergj Fishta” dyshohet se shtetasi M. P. ka vrarë me armë zjarri shtetasin K. S. ( ish-bashkëshortin e vajzës) dhe si pasojë e të shtënave është plagosur dhe shtetasi A. C., i cili ndodhet jashtë rrezikut për jetën.

Shërbimet e Policisë vijojnë krehjen e zonës për kapjen e autorit të dyshuar, shtetasi M. P.