Tensione edhe në Tiranë, Felaj nuk kundërshton që është “gjobaxhie”, vetëm ato që tha Berisha!
Tensione edhe në Parlamentin e Shqipërisë, për dallim nga Kosova ende nuk u përdorën grushtat!
Gjithçka filloi me kërkesën e opozitës për prezencën e Kryeministrit Edi Rama pas publikimit të Dosjes së Prokurorisë së Posaçme për arrestimin e Ish-Zv/Kryeministrit Arben Ahmetaj kur rezultojnë të implikuar në aferën e inceneratorëve, shumë nga zyrtarët e lartë të Partisë Socialiste në pushtet!
Kërkesën e opozitës si zakonisht e kundërshtuan nga ulësja figurat e njejta socialiste, por një ndërhyrje e këtij lloji kriminal e deputetes së PS, Ermonela Felaj, shkaktoj një debbat të ashpër me deputetin e PD-së, Gazmend Bardhi i cili po fliste nga foltorja:
“Palaço, Palaço, Palaço…” ishte reagimi i Ermonela Felaj, i cili mori një përgjigje më të detajuar për rolin e Felajt në Dosjen e SPAK bashkë me Arben Ahmetajn duke u cilësuar si “gjobaxhie, hajdute dhe familje hajdutësh”.
“Palaço mua më ka thënë krye mafiozi jot, dhe kur vjen nga një gjobaxhie që ke pushtuar prokurorinë e Tiranës, yt shoq ka marrë ryshfet 1.5 mln euro nga katër biznese, kjo je ti, je një hajdute, një gjobaxhie që ke guxim dhe flet, je pjesë e dosjes, ke pushtuar prokurorinë e Tiranës për ti vënë gjoba bizneseve dhe qytetarëve. Ti! Ti dhe një pjesë prej… Mbylle moj gore gojën! Moj Hajdute!
Ata duan t’i japin kohë Ahmetajt që të prishë provat. Rama duhet të vijë që të japë llogari së si po shkojnë negociauat. Duhet të vijë që të japë llogari për udhëtimet e Damian Gjiknurit. Se kisha vënë një sfidë me Gjiknurin, se më tha; o ti ose unë dhe vërteto udhëtimet me Mërtirin dhe Zoton. U vërtetuan udhëtimet. Ndaj s’ka ardhur këtu. Më mirë të lërë mandatin,” tha Gazment Bardhi.
Nuk u dëgjua ndonjë fjalë kundërshtimi e Ermonela Felajt ndaj këtyre fjalëve nga foltorja e parlamentit nga Gazment Bardhi ndërsa përgjigje i dha vetëm Sali Berishës i cili tha:
“Mendoj se nuk mund të ketë ngjarje më të rëndë, më amorale se sa arratisja. Nënkryetarja e Kuvendit shthuri gojën ndaj një deputeti dhe ju nuk mbani qëndrim. Ajo e bëri, se kontrolloj dot veten. E bëri nga zemërimi, është punë e saj. Ajo duhet të dalë jashtë. Ajo emrin e ka, e ka në dy inceneratorë, padiskutim. Ndaj si ka mundësi! Pse të shtyhej komisioni? Thirreni të vijë Edi Rama. E ka pasur zëvendës, kanë ndarë paratë së bashku. Ta bëjnë seancën siç është,” tha Berisha për të vazhduar edhe para Kuvendit:
“Ju e dëgjuat reagimin më të padenjë të një zonje në memorien time në parlament. Se si me gjuhë të shthurur, iu drejtua deputetit dhe kryetarit të grupit tjetër parlamentar, Gaz Bardhi, i cili vetëm kërkonte të jetë kryeministri në parlament.
Dhe i tha të vërtetën në sy se zonja Felaj citohet rëndë në aktakuzë. Kjo mjaftoi që t’i heqë gojës çdo fre. Dhe zonja kryetare u tregua solidare me të, duke e mbajtur aty si dëshmi të banalitetit të një zonje që nuk kontrollon gjuhën e vet.
Siç e shihni, kemi të bëjmë me një situatë të inkriminuar.
Vetë Edi Rama, që është padrinjo e organizatës kriminale, ia mbath sikur nuk ka ndodhur asgjë.
Por kjo është java e zhvillimeve më dramatike në historinë e vendit.”
Që deputetit demokrat Gazment Bardhi i tha “palaço” ishte krenare dhe tha se nuk tërhiqet nga qëndrimet e saj dhe cilësimet për deputetët ndërsa shtoi:
“Do e marr fjalën për replikë. Si replikë me të gjithë at që guxojnë të përdorin pozicionin e deputetit për të nxjerrë frustrimin e tyre gjatë gjithë kohës. Jam Ermonela Felaj dhe askush në këtë sallë s’më bën dot moral as për fjalët dhe qëndrimet e mia. Janë të shprehur e zeza në të bardhë.
Parafolësi i ka bërë jehonë, njihet për gënjeshtra dhe për kopjen. Kaq, kaq për ditën e sotme. Ata kolegë që gënjejnë dhe shpikin, s’më vjen keq, por i meritojnë një për një ato cilësime që i shpreha pak më parë.”
Këtë fjalor nuk e gjenë as në rrugë, por qytetarët shqiptarë prap janë të pashqetësuar duke pasur parasysh fjalën e dhënë nga Kryeministri Edi Rama:
Nuk keni parë gjë akoma!
