Video/ Kryeministri Albin Kurti sulmohet në foltoren e Parlamentit
Kryeministri Albin Kurti, u sulmua në foltoren e Parlamentit të Kosovës ndërsa ishte duke mbajtur fjalim.
Përdorimi i dhunës detyroi Kryetarin e Parlamentit, Glauk Konjufca, që të kërkojë ndërhyrjen e Policisë së Kosovës, së seancën plenare.
Pas spërkatjes me ujë, deputetët e opozitës u nisën të godasin Kryeministrin Albin Kurti i cili po fliste për situatën në veri, ku në vrullin revolucionar të opozitës pësoi më i urti, ministri i Financave, Hekuran Murati, i cili si një pjesë e kabinetit qeveritar u munduan ta qetësojnë situatën.
Ndryshe, karakteristikë e kësaj dramen në Parlamentin e Kosovës ishte se askush nuk e dënoi dhunën. As LDK që zgjidh mospajtimet në parti me karrige, as PDK që Zotiun e tyre përkohësisht nuk e ka në seancë dhe as AAK që shqiptarët e kanë parë se nuk respektojnë parlamentin edhe kur iu bëhet e qartë procedura si në rastin e dorëzimit të firmave të një referendumi!
Ndonëse deputetët e opozitës reaguan kur Kryeministri Albin Kurti po fliste për situatën në veri dhe marrëveshjen e arritur, arroganca e tyre deri në përdorimin e grushtit kundër kabinetit qeveritar vjen pas karikimit nga videot që u regjistruan në mënyrë sekrete nga deputeti kriminel serb, Slavko Simiç, gjatë një bashkëbisedimi me Kryetaren e Grupit Parlamentar të Vetëvendosjes, Mimoza Kusari, që u transmetuan në portalin e buzhalëve.
