Tensionet në veri, debati në parlament me tradhtarë dhe patriotë shqiptarë!

Ndonëse seanca e sotme plenare i dedikohej situatës së krijuar në veri, opozita vazhdoi me retorikën e saj mbi tradhtarët në qeveri dhe patriotitët shqiptarë që kanë përfunduar në opozitë, dhe i vetmi që kishte diçka konkrete ishte Kryetari i AAK, Ramush Haradinaj, i cili kërkoi mocion mosbesimi ndaj Qeverisë Kurti ndonëse arsyetimi më shumë ishte komik se sa tragjik vetëm për faktin se del nga goja e një Ish-Kryeministri.

Kryetari i PDK-së, Memli Krasniqi, e akuzoi Kryeministrin për populizëm por vetë bëri një gjë të tillë duke i bërë ftesë kryeministrit  Albin Kurti, që bashkë të shkojnë në zyrat e komunave në veri të vendit.

 “Kryeministri i Kosovës e paska qëllimin t’i çlirojë serbët. Çlirimtari i serbëve Shihi more punët e tua. Kosova është llugë e ti po më tregon se si duhet bërë parti politike në Beograd,” tha Krasniqi duke akuzuar Kurtin se po sillet si gazetar mediokër dhe jo si Kryeministër.

Kryatri i PDK-së u shpreh nga foltorja e parlamentit se sot një javë, kryetarët e komunave veriore janë gënjyer se do të kenë takim me ministrin e Administrimit të Pushtetit Lokal, Elbert Krasniqi, e janë çuar në zyrë.

“I keni mashtruar duke iu thënë se keni takim me Elbert Krasniqin.”

Ai foli edhe për kryetarin e Leposaviçit i cili nga e hëna është në zyrën e komunës.

“E ke mbyllur një kryetar si Oso Kukën atje, me kë është duke punuar ai. Por, pse s’po e çon Erden Atiqin në komunë, por e ke çuar në ndërtesë dytësore ashtu siç është edhe Izmir Zeqiri e Ilir Peci”, pyeti Krasniqi.

E në fjalën e tij në seancë, kryetari i Lidhjes Demokratike të Kosovës, Lumir Abdixhiku, tha se gjithë këto reagime të ndërkombëtarëve,  janë pasojë e keqveprimeve diplomatike dhe strategjike të kryeministrit Kurti.

“Reagimet e Sekretarit Blinken, pra  Departamentit Amerikan të Shtetit, të Bashkimit Evropian, të NATO-s, e shteteve më mike të Kosovës, kundër shtetit tonë, kundër Republikës së Kosovës, popullit tonë, në një kauzë të drejtë, janë si pasojë e keqveprimeve diplomatike dhe strategjike të një njeriu të vetëm.

Ky kryeministër i njëjtë i cili para pak kohësh ka pranuar publikisht se është informuar po nga këta miq, mbi gjërat të cilat ai vet nuk i dinte si kryeministër,” tha Abdixhiku duke shtuar:

“Të njëjtën njerëz, të njëjtit aleatë sot janë naivë, nuk dinë, por ky di.”

Kryetari i LDK-së vlerësoi se vetëm me fajin e kryeministrit Albin Kurti, bandat në veri po operojnë dhe raportet me aleatët ndërkombëtar janë dëmtuar.

“Ky njëri ka proklamuar se është i formuar nga të njëjtit njerëz, që sot i ka kundër. Nga kjo përballje me bizën demokratike vendi ynë ka gjasa të mbes pa aleatë dhe këtë po e bën kryeministri jonë”.

Ndërsa Kryetari i AAK-së,  Ramush Haradinaj, tha se  kryeministri Albin Kurti vazhdimisht ka kultivuar mosbesim ndaj aleatëve e sidomos ShBA-së.

“Në vazhdimësi e ka kultivuar një mosbesim te aleatët e sidomos te aleati jonë ShBA e në disa raste i ka ngjarë Lavrovit.

I mashtronte të papunët, i mashtronte të punësuarit, e kryeministri po vazhdon t’i mashtrojë aleatët tanë, garantët e sigurisë sonë dhe shikoni se mashtrime e tij janë rrezik i garanci sonë,” tha Haradinaj nga foltorja e parlamentit duke kërkuar vazhdimin e mocionit mosbesimit ndaj Qeverisë e mos të lejohet të shkohet në pabesi të radhës.

Kurti, tha Kryetari i AAK-së, ka mbjellur dhe ka nxitur poshtërim të të gjitha figurave e vlerave të krijuara me mund ndërsa përfundoi.

“Disa i ka përvetësuar për ta fuqizuar pozitën e vetë të poshtërimit.

Mashtrimi deri në tradhti. Mashtrimi i Kurtit ka elemente tradhtie. Kurti po  vazhdon të provojë të  mashtrojë edhe aleatët e sigurisë.”