Tërmet i fuqishëm godet Shqipërinë, 6.4 në…

Një tërmet i fuqishëm me magnitudë 6.4 të shkallës Rihter ka goditur mëngjesin e sotëm Shqipërinë.

Sipas Qendrës Mesdhetare Sizmiologjike, EMSC, epiqendra e tërmetit i cili ra në orën 3:54 ishte 16 km afër Shijakut dhe 34 km nga Tirana me thellësi 10 km.

Ky tërmet u pasua me dy pasgoditje njëra me magnitudë 5.3 dhe tjetra 4,0 të shkallës Rihter.

Tërmeti i dytë me magnitudë 5.3 të shkallës Rihter ra në orën 04:03, 15 km afër Vorës dhe vetëm 30 km afër Tiranës.

Dhe goditja e tretë në orën 04:16 me magnitudë 4.0 të shkallës Rihter, që kishte thellësi vetëm 2 km, sipas EMSC ishte me epiqendër vetëm 4 km afër Shijakut, 7 km nga Durrësi dhe 24 km afër Tiranës.

Ende nuk raportohet për viktima por vetëm për dëme të shumëta materiale.

Qytetarët e Tiranës së Durrësit vazhdojnë të qëndrojnë në rrugë nga tronditja që pësuan nga këto tri lëkundje të forta të tokë dhe disa prej tyre kanë përfunduar edhe në Urgjencèn e QSUT “Nëna Terezë”.

Ndërkohë u raportua se tërmeti ka shkaktuar panik edhe në shtetet fqinje me rastin e goditjes së parë.