Tërmet tragjik në Turqi, 8 të vdekur 3 prej të cilëve fëmijë
Të paktën tetë të vdekur tre prej të cilëve fëmijë, dhe 21 të plagosur është epilogu i tërmetit i cili goditi Turqinë në zonën kufitare me Iranin ndërkohë raportohet se ka shumë njerëz nën rrënoja.
Qendra Sizmologjike Mesdhetare, EMSC, ka raportuar se në orën 8:52 ka ra një tërmet me magnitudë 5.7 të shkallës Rihter me thellësi 5 kilometra, në brezin kufitar në mes të Turqisë dhe Iranit.
Ministri turk i punëve të Brendshme, Suleyman Soylu tha se si pasojë e tërmetit janë shembur 1.066 shtëpi.
Tetë persona kanë vdekur dhe të paktën 21 janë plagosur, tetë prej të cilëve janë në rrezik për jetën.
Televizionet turke kanë raportuar për një situatë të rëndë ku banorët lokal vazhdojnë gërmimet duke u munduar të ndihmojnë njerëzit që kanë mbetur nën rrënoja. Të mbijetuarit ndërkohë kanë dalë në rrugë të mbuluar me borë, e ka edhe prej tyre që arritën të marrin batanije.
The #earthquake that occurred in Iran was also felt in #Van where eastern part of Turkey. those who died in a village four of them was children#deprem pic.twitter.com/gmFrlufPY5
— Yusuf İşler (@yusufislereng1) February 23, 2020
Ndërsa autoritetet iraniane theksojnë se deri më tani nuk janë raportuar viktima. Ndrysh, në tërmetin i cili pak kohë më parë goditi Turqinë kanë mbetur të vdekur 40 persona.
